Lu kwagh tser wan u Adam ken ikyôngo, Aber vaa yila Adam, Adam Wama-oo! Ifa wama, Yehova wam kwagh tser u wan ve, Tor u A ongo mlyam ma i vaan ken ikyôngo, yan va keng keng, er yange yima wan ga, kpa va nôngo iyongo la, ikpur tôndo sha won

Hagai har, ave tyo a wan ken ikyôngo, kwaghyan za bee ken ikyôngo mngerem kpa lu ga, wan vaa, a kwase u lun a or u wasen ga, gema wan a gbir hen ihuu, a kar aza tema, tema ca tsô Hagai ngor kweregh, kaa er me nenge ku u wan ga, Tor u A ongo mlyam ma i vaan ken ikyôngo, va na ve mngerem.

Eliya lu yevese Yesebel, za tema ken ape u vaa u yer ana? Lu yevese ku ken ya ma za kpe ijen ken ikyôngo, Tor u A ongo mlyam ma i vaan ken ikyôngo, va na un kwaghyan

Ter Aôndo waseoo, Aôndo wase de kenger, ken Kaanan tseegh ga, ikyurior i genegh ngi u ken Nijeria, akuraior a ken tar ne, tativ mba pareghaa a se Tiv, gomoti u tar ne je kpa zende kweregh wase ga, ka We Ter U lu iwasen yase ye

Pe Rahel, vaa ônov nav, shighe u yan imar Yesu, rumun msurshima ga, nyian aliwe u Tiv, ngura vaan, ngu vaan ônov nav ken Nijeria ayange ne, mbakuran tar u Nijeria kpa, mbagenev hen vese yô gema mba inja er, Shisela a Yael yô, ka se yevese ikyaa i tseren, se a za taan ken ve, ve hemba wuan a wua se. Aba Teroo se mba ken tarikyôngo.

Ishôhô lu kpe hen gbenda asôhô lu gbing gbing, kpa ve ii angbian ve hana? Ka kough, lu va ii ikyom ye, er se kenger sha Yesu, Nijeria ahoo wou! Yange iwasen ia va se, pe Nigeria a fe ga

Ter U a ungwan mlyam ken ikyôngo, shi a eren kwagh sha mi la, gema ashe a mhôôn kenger se Aôndo, ke kpenen lanegh asegh ga, kpa gba wan ishima tsô