Or u ijen i kôron nan ka nan lu ken ishima i vihin, ijen ka i pav or, a wan u nan, ijen i paven or a anmgbian, man kwase a nom je kpa ishima vihin i nyôr, or u ijen rumun u numben ga.

Ijen i pirin ashe, ka i pir orkyoo ashe nan fe kwagh u doon ga, Orkyoo ka a wuese, anbowan u or, je nana lu a ikyande kpa er wan ngu gburgbur, sha aciu i doo or la yô, nana na un yiagh keng yô.

Er se fe er, ijen iyolough i doo kwagh ga nahan, kpa i ken Jijingi hemba, ijen i ken Jijingi gba mbagenev, ve yem ikyoo hen satan yô, ka ve ye shi wuese, boor ônov, er ve doo ga kpa ijen pir ve ashe mba nengen ga.

Mba shi wuese msôrom, kpa ka aie cica ma yua, gande ka ijen i mee ve ve me ma ye, iyav mbu ijenev mbu hange makwagh ga.

Mba ijen i kôron, ve ken Jijingi yô, mba ken ishima i nyian, i sha akaa a tar ne, mbagen ka iv, mbagen ka idya, ijen er, kwagh a ior mbagen yô, anlyam u doon, ngu ken zwa ve ga, man mba nan uuma vev ican sha akaa a man, kua mba indyaren, sha ijô a angahar sha ifer i eren, Oryiman U na ve kwaghyan gayô, ka apera ga.

Ijen i, kôron se ne, Yesu Ngu se yilan, Ter wase Ter Yesu ka Ruam u uma, aluer sea na Un jighjigh, yô ijen a bee se, cica shin imura tsô kpa a kera kôr se ga, er ne fe hegen ne yô, hide va se na Un jighjigh.

Aôndo bugh, se asema se ombo iyiagh hegen ne er, ijen i masejime la ior a gba va zamber, zenden, er ma m ongo loho u Aôndo kpa vea fatyô ga la se se tema tor a We, shighe la se lu ember gbem.