Terem kpem iyol, kpem iyol a We gande, ka mea tema kpa m gba sen zwa ikusu mugh mugh, er U nem m fe iti You, U kuran mo ayange ayange, U kuran mo iwer iwer, shi inyom ne inyom ne Ter ka U nyôr a mo keregh ka nahan ve m lu sughun We, ka nahan Ter se lu sughun We ye

Mkor Wou sha avese mbagenev Ter ka inja er se hemba doon We shima yô, kwagh u ior mbagen ve er, ve nyer ken ku la Ter se er akaa la se kimbir, kpa U de se umaoo Ter ka nahan ve se lu sughun We, ka nahan Ter se lu sughun We ye

Ior mbagen kpe ken mnger, mba zenden tugh kpe ku u iyô, aaikyor a woo ior akôm a igbinda ne, m zenden tugh, m peren uzegembamnger, m zenden sha akaa a hendan keke,keke kpa U dem m ngu uma ka nahan ve m lu sughun We, ka nahan Ter se lu sughun We ye

U nam or u wasen mo, Tor u erdoo na se mbayev, ugbayol asev ka tom Wou a lu ibanave Ter wase ngu her, a lu angev mbu a tser se, se mba inja er bua u tondon tsa, Tor hur se iji iyol Na, ka nahan se wuese ye

Yô va nen tar cica se sugh nen Tor, ka ana erdoo u Aôndo a yen a nan a? A yima tar sha ku u Waniunda, Wantor u bem, ura man iwanger, man ahumbe ka sha ci u mkpeiyol u hanmaor sha won, yô se sugh nen Tor Ter a atsam zwa a iember

Daarwua yôhôl ve ilev mbi Tor, va nen, va nen kwaghyan dumbur, iveren i Ter, iveren i Waniunda,Yesu, iveren i Cighan Jijingi ngi senen, senen wuee sha ci u mba ve lu sughun Ter yô