Pe Aôndo lu na Mbaiserael, inyom i ember hen tar ve ve umbur i, ikyov ikyov, ia va kuma yô ve er, iniongo i umbur, inyom i erdoo u Ter ve tese dooshima, hen ior ayol ave ve lu ember gbem.

Ityôkyaa yô lu inyom i Ter yan lu yima, ve sha ican i kpan ken tar u Igipiti, ve ya ican ken tar la anyom ngee, ve hunde asema er an a yima ve? Ter u uter vev lu nengen, va yima ve sha ikyev i mbaageev mlyam ger, inja erdoo ne ka u umbur.

Se kpa U na se iember ken tar u Tiv, Ter se umbur erdoo Ou hen avese, er Ter kua Wan man Jijingi Ne tema sha tar u tsôron la Ne umbur Tiv, Ne tindi mbatesen va nyôr se a loho u myom, ior gema asema kpa mba ôron zwa u Nasera ga lu ve ican u ôron ken Icighan Ruamabera kaven awashima u Ter, Jijingi kaa ve er tom kule ga, tom ngu a kule ga.

Ka ken inyom i dubu môm man deriutaan-kar-unyiin man akundu-atar-kar-unyiin Jijingi va tôndo kwamegh, mbatesen mban gema Icighan Ruamamabera, ken zwa Tiv ve kende ve na Tiv, kwagh er, iyange la lu iember Tiv ta gercam kuhwa ngigh ngigh.

Iember zende tembe iyange la indyer kumbur yila Aba Yawe, idyer yer Adam yer Noa or u lun vor, or dugh ikyom ga kôrom iyol Abraham Isaka man Yakov ma ne nenge er ônov enev ve dugh kwan kwan a iember. (2) ICHÔROGH: Se ndera nen gercam se wuese Ter Yehova Aba, iember ngi dugh ken shima, saan se iyol ve se ember ye. MRUMUN Ter wase Aôndo Ter Aôndo, kwagh u doon se inja ne gbem Ter ne se iember iember ngi van a msaan, msaaniyol nan kwan yaren kua amar, Ter ônov Ou ka iaven i se lu ker ve, se lu tsuen amar ne.

Iniongo ne ka iniongo i anyom anyom Ter hanma inyom wer u sha pue-kar-môm ayange anyiin U va kohol avese imôngo, nyian kpa, Jijingi Wou kumba se ônov Ou se haa gbir gbir ve.

Jijingi u Ter hemen se u sughun Tor, se vaan a naagh ave u sughun Ter ken iember ne, ga yô erdoo mba Aôndo sha vese ngee gande u me ter cii,Yawe kuma yô se va sha ishigh Nagh aveve shawon ga.