Se mba sughun, We Ter wase erdoo Ou hen avese ngee sha won, Ter U ngu kuran se, nan se ura, pever se ahumbe hanma shighe, Ter er, tar iwua i hemban cii, U na se Ter Yesu gbirin Ter U kuma iwuese.

Se mba naregh, ave ase se mba tesen We ugbashima asev sha kwagh u se zough amin ne Tere, Ter wase ngohol se ônov Ou ishughun yase ne.

Ior mbagenev yô ibyanave na ve ve fatyô u sughun We, naregh ave ve shin gbande ga, kpa mba nan We ka asema jim, ngohol ve asema a lu sha a We gbem.

Kpa mbagenev ka mlan Ter wase ka apera ga, kwagh u nan yô ban ga kpa shi ka ve er ve a pande, ve a na U yô una yina ve, yô mbera kpa wase veoo! Ta ve iwanger ve kav u wuese We.

Ve nenge er, iyange kwasecôvor lu zan u za nan nagh hen Ter Aôndo yô, kwagh môm ugenegh lu ga lu di mbaanini uhar tsô kpa kwase la tôô, cica na Ter wase nagh, a hen je er, Ter hemba fa u koson, kwagh u injaa me na Un A kosom, uma wase jim ka Ter A fe u koson ye.

U kaa Wer, ka inyaregh yasegh kwagh a gbe U amin kpee ga kpa ka asema, kpa se gbashima wase hen tar ne yô Ter ka inyaregh, se a lu nan ne, ka nagh ki sha gbashima yô ka asema ase, Ter wase kegh aveoo! Ngohol se nagh, shi ngohol se asema.

Haa se iveren You, sha uiwua mba se lu nan ne, ngohol a iember, se mba sônon We, Ter Aôndo iv se agee, iveren You, i lu sha mba civir We.