Ter kegh ato tsô U ungwa akenge nga kaan, ivaa nungwa sha iwer kwagh kundam iyol gboong, er iember i nongo sha kwagh, kpa U kegh ato yô, u ungwa Ter, ikyenge, hemba taver ka kwelegh, ahii tar kura ayem ve.
Zangwe se mhôônom, Ter ônov Ou mba zenden, a nyagha uya, inja er or u ka ia tser nan, man nana lu a ishughul ga, kpa Tor u uma, We U ngu nengen iyol You.
Ter wase ican nyôr avese, se yer U ye, iyange la Ter U ver se iember, kpa sha ibo yase yô, se undu i, iyugh sen nyôr kough iember ken tar ne, cica, or emebr ken tar ne kur iyange ga Tere, ican kange sha avese se yilan we.
Ter U er tar ne U ver se, ônov Ou Wer se luun ker a iember, kpa sha ihyembeato yase yô, kera ka tar u iember ker ga, aciu, ican va i vese, orhyom va nyôr kohol se hingir haghelaa er, iyange hinga time zwa ve adendem nyôr, kohol hinga ker haghelaa, iyange hingir haghelaa a hoghor, hinga yô ka hinga a due ye.
Tar kuma mbagenev, sha ciu angev, angev vev mbatwerev mba fantyô hana, mbagen nyôr ipyaven kwa imôngo kpa ka wasen ga; kwagh va hegen ne, ka or a kine nana nyôr, hen mbatwere, v yô a lu Mngerem ga yô, er, awambe yina ve, uumace gema haan mkuren er ka injin, Ter wase ican vese.
Shi U kegh ato, hanma ijiir hegen yô njua njua wa ikyav nyôr, mough m kaha ka ahii i lu sha ikyev i igbengeor, an-usu u cuku ne a nande zegeikyô, beee ikpilaior ayem gudu gudu, ikyu ior i mgbough, tar hingir ayom gedee a ikyav tyo zenden, je kpa ka myina u inyaagh ga, tar wase ngu a ban a pe shilen ga.
De me ôr injakwagh, ngise orhyundu iyange in kusu ishôm we lu zendam or, or wa ayem inya lu a ikyengezwa er m saa ve, or la za yeren, yô a uve je man mem ayôôso, orhyundu ker shio a ta hwa, a jingir ityough, a mishi wegh, a kende a kaa er nenge ka, i lu tsô, shighe u, shen m lu kenger, sha na er a yevese la, lu bumen, er un saa ve, hegen saan mimi yô, kera ôron er or a ungwa ga.
Shighe ngu van u, ior vea va huan ayôôso, sha kwagh u inyaagh yô tar a huan, umbur nen imo i Ter ôr a mbamaren se er, M na ne tar, mar iv nen u la.
Av ahingir sha ishende yô ka an nana, dugh or wegh sha ishi, nana lama? A kporom ken hemen yô tar a hoghol, a lu ian i maan a maa, iyou i yaven, ior a gema keren a kar ye, wea tôô, kpoyou u shin, u sha i na anmgbian ugenegh, ityar kpishi hegen i nyôr, sha ian i m ôron ne.
Ka hanpe shase gba usu ve deda tema shala sha azenger, lu tan hwa, er shase a bum a tem ca ga a atse, zaar va peren usu yô kwagh kohol, deda ve ne mbera mba shosun ayôôso la, ma ne te nyagba hen uya u zamber a Ter u sha, ga njua njua ne, a wa ikyav, ngu nyôron ado ningir.
Ter u oryiman, Ter wase se mba zenden, a akondo uya, kwagh er, nenge se va tir U sha ishi, vaan a mlyam ashe, de yeren, se ishigh zeoo! Mpande u atsan ka hen a We, mseer u atsan ka hen a We, Ter wase ken iti i Yesu, yô, sur se asema.