Jijingi na se agee, mzungu shin iember, ibanave i kwagh shin mngee u akaa, Ter wase sue se, se tema ving se kenger sha Tor u A lu u yiman se.

Na se se a nyôr, ken ican hen tar ne, shin a lu, iember kpa, na se se kenger Un u A yen se, ican man, iember cii Ter ka We U nan ian ye.

Na se er iyange U na Yobu yô, inyaregh kua icivir, ônov ngee kpishi kpa kende U ga, er yan U na zege ian u ican va nyôr, ônov nav kua, inyaregh saa ishe kpa kende U ga, Yobu fa ka We U ne ian ican i ve her a na, na se u civir We ken ican kua iember Ter wase u tsôron.

Mcivir, u civir Ter wase Aôndo ne ka kwagh u doon tsô, Una na se ga, u vihin kpa ka A na se, Aôndo na se akaa a doon kpishi kpa se ngohol, Una na, se akaa a vihin di kpa, se venda ze oruikyon, hange iyiav ga, Ter na se u kenger sha We jighilii.

Tor u gbem, a lu iember ka We U nan ye, a lu ijungwen ka We U ne ye, la U tôô uhima-ahima wase hen tar ne shin a lu ma bouange u ungwan, icigh ga una er se, shin tar wase a vihi, se a kera fatyô u lun ker a iember asema ga kpa se civir We, a va kuma U tsô U na se iember, na se fa ka We U ne aan ne a ve hen a vese ye.

Hanma, ian i We Ter U ne se yô, ka aciu civir We, We na se iember gbem, nahan a bee er ka er se ember, i ze se iyol ga ve, se civir We her ye, Tor u gbem, shi We na se u lun ken ican, kpa a va bee er ka er ican i tser, se se lu civir We, pe i lu jim ve ka U na se u lun ken ican kua iember ne, Ter na se er U na Yobu tese icivir You.

Yô We Ter, na se agee sha er se kenger sha We Oryiman se yô, ior mbagenev hungur a We, ka iember i U ne ve, Ter wase Aôndo man shi ve undu U di yô, man mbagen ka ican i i tser ve laoo, Ter se yô wase se sha u civir We.

Icighan, Jijingi ver se ashe u kenger, oryiman wase Wantor u bem, ken iember kua ken ican, na se se yina asema ga.