Mbahenen, nyôr; ken tso môm a Oryiman yô, zegeahumbe, lu di ibyuupupu ikpyanger tso, Oryiman yô lu yaven, kpa Ter lan kwagh, u lu eren ga, kpa akegh ato ave er ve yila, kwagh ua tser se yô Ngu a fa kpa saa se yila sha iti Na.

Yesu lu ving, ahumbe gbuusu, ikpyanger haan mngerem shin tso, kwagh gande ve tsô ve yila Tor wase Yesu, Ter U wase se ga se mba timin, tsô Ter mough yange, yange zegeahumbe la huan, mngerem tile jigh, kwagh ua tser se ve se va yer, sha iti Na una wase se.

Kwagh môm u hemban, Ter wase ngu hana? Hana lu ikyôm je kpa a vaa a yila Ter wase un, kwasecôvor u ken sarefati wan na lu kpe, Vaa va hen Ter wase Aôndo nder wan tsembelee, Ter Aôndo se se vaa se yila U, tar kpanger se je doo ga u wase se gayô, se mba timin cica.

Kwagh tser se hegen, ne se mba yilan We, tar wase ne yô u vihi je gande Ter Aôndo Tor, or nana sôr môm je kpa ngu ga, ka se hen ser tor ngun a tema yô, se mem, kpa i kaha ga tsô shi ugen nan va, kpegher kpe kpegher u ken tar di kpa shi a ngeen ye, or ngu a yaan la nan, umbur er icanor ngu ga.

Kuma iyol imbya ngin or a va war je he? Ter se ka sea zua ankwagh, sha u koson uma ami kpa, mbera mba kighir se er yav cir ishigh inya mban ve ngohol cica o ve, kwagh ua tser se ka ku Oryiman, ka wea shir ave uya uma ga, shi wea nôngo pe u ya uma, kpa gbuuka kegh sha, hingir ku ken ya ku ken ityev, Ter Aôndo ahiin! Wase se gayô, tar ne u ikpyanger tso.

Zegekwagh, ua tser se a hegen gande, u ôron a ôr yô se fatyô ôron been ga, u civir we ka sha ican, bee or va avese ave hen tar ne man se er kwagh, hen tar ne gayô, Aôndo, zegekwagh, ugenegh ka ayôôso, a nyôr ken Nongo u Kristu se mba fan u sôron ga.

Ter Aôndo se mbadondon Ou se fa ka hen a We pe waren a lu ye, gban yase We sha ikyum je ne, ahiin! Ter Aôndo kegh ato ungwa se se gba vaa yilan We ve, zamber je ne ka zamber wase jeenoo! Wase se gayô, Ter se tim elegha.

Hemba se, kpa se fa We Ter wase U ngu heregh, kwagh ua tser se ne se mba yilan, mbahenen yila U We Tor u uma U wase ve, er se yilan We ne de undun se wer se se saa ishe ga.