Mpin u Ter Yesu, pine mbahenen la hegen, kpa ngu pinen, se mbadondon.
Mpin u Ter Yesu, pine mbahenen, la hegen kpaa Ngu pinen se, ne mba kaan er M ngu ana? Peteru kighir mough sha kaa er ka Kristu jim, U ngu Kristu wan u Aôndo jim, Yesu kpa rumun.
Ityôkyaa yô shighen, ngun ne ior fa Yesu er A dugh Shala ga, ve ôr akaa kpishi je mba kaan er, ka Yohane u eren, Batisema gayô ka Elia, mbagenev di yô ve kaa er ka môm ken uprofeti mba ngise a nder, ye.
Ka kwagh ne kpa Ter Yesu lu soo u, fan hen mba Peteru mba ve lu mbahenen Nav ne jim ye, mrumun u Peteru na la kwagh doo Yesu kpishi, yô hegen ne A pine se jim veoo! Kaa se mo You, Oryiman Yesu A ungwa tsô.
Mkaa u kaan, imo yase sha mpin ne ka ieren yase je, ka ieren i se ior mbadondon Yesu se eren, la se kaan ser ka kwagh u, Ter Yesu A lu ne ye.
Se a lu eren, afer yô se mba kaan ser Oryiman Yesu ka ifer je, yô se a eren kwagh u perapera yô ka perapera Yesu A lu, ieren yase ngi tesen ior, mba fan Yesu ga, kwagh u Ter Yesu A lu jim.
Mbakristu mbagen mba pasen Yesu sha aeren ga, ka ve yem zende icaa kwagh u Yesu la hungur, anlyam u lamen sha inja ga ka tom u se mbadondon mbagenev, mbagen hee Yesu sha ifer ve, ve na ior mba ken tar mba gbe lamen sha iti i Ter, Kristu wen u ahegen u i lu afer, la mo yô de pasen mo ga.
Mbagenev di yô, ve tee ayolave sha ifer i eren, mbatamen yila ve kwa imôngo wa ve kwagh, kpa mkposo ngu lun ga, mbagen nyôr mkôôm kwa imôngo, kpaa mkposo ngu ga, mba seer a seer u eren afer, we ordondon shi kav kwagh ne, ankwagh u cuku u er la ngu di tesen ior kwagh.
Hanma, kwagh u se lu eren yô a tesen ior Yesu er ka Oryiman, Kristu sha aeren iôron tsô yô i wase kuma ga.
Se Mbakristu se ver nen ase asema sha tom u pasen Yesu sha ieren, we Orkristu shi umbur kwagh ne hanma shighen.