Ka mimi, m nenge ken Bibilo m ôron iyange Yosev tser a ihom lu hen ya na je, sha kwagh u mnyam ma ôron a ve, ishima yem u nyian ve un a va hemba ve tsô ve gba keren ian, iyange ve tee un, ibima-kwase u Potifar fa er un a za hee un ye

Lu Isou zua a ihom lu hen ya na Rebeka u lu mar un je soo un ga. A tese Yakob ayom ngohol iveren na, a hegen kpa ka ihom i hen ya u ior mbagenev i ne tar u gohon ve ashe, ka uya vev ve gbe a kwaghmyer ve igbar ve tar u ker ave sha mi man kwagh a lu zan ve iyol ye

Se nenge kpishi mba gen mba ve lu ior je kpa uyaav vev, uya vev puu eleghee na ken won ve. Pe i lu ve Ter Yesu kaa er ma profeti de lun a icivir hen ior ga, saa hen ya u nan ka nan lu ma kwagh di ga ye. Wea lu a icivir ior a cian u yilan we sha iti kpa hen ya wou a cia u ga a yila u sha wan-iti u iyongo la u tesen er we u lu ma kwagh ga yô

Yesu Oryiman kpa ihom kôr hen ya Na kange gbang gbang. Iyange kuma mba ken won kwagh je kpa hen ya yô, i lu ku A kuma ye. Ior mba ken won lu yilan Un Ortesen kpa lu anwan u or-u-gbanikon hen ya Na ityô yam. Pe i hembe tuhwan di ior mbera mba ve lu hemen ka sha uyaav vev

Tema a tema, nôngon ga, sônon a sôn kwagh, kwagh a doo ior mba hen ya wou ve a gba sen ôron er kwagh a hembe u u lu sônon yô. Gema nôngo wer u de sônon di kpa shi ka zegenan u lu keren ye. Ihom i hen ya ngi a a hur ga. Ka i lu imor i ior ve we ken asema sha a we ve masen songor ye

Kaa mimi ka ie ga. Nenge tom u eren a er ne kpa hen ya yô, u ngu a icivir ga kwagh u ilu eren a ior mbera mba eren tom hen ya wou u doon la we yô, a er ga. iwuhe man ihom i ya yange ve u eren ve! Mba ve lu sha uya vev hemba fan kwagh u m ôron ne

I laha Oryiman lu ken Nasareti hen ya Na jim kpa ma yange gba num ga, penda ior ave, bee iangev. Er A er uivande ker kpishi ga kpa lu jighjigh u ve na Un ga la. kareghaa yum la, doo je ga.Ya ka ya. A laha u kpa de gban num sha won ga

A lu nan kpa de kpenen ihom i hen ya ga. Oryiman Un a kpen ihom i tar u ker Un ma yima se ga. A lu nan kpa de kera tan ya kera wer a saa ishe ga