No. 1292
7 Avur · Rev. Ephraim Mbateren Shir
Mnder

Aôndo ngu A er kwagh, sha u mba ve civir Un yô, i due ve i doo, Ter Aôndo gbe eren kwagh ga.

Mrumun

Ngu er kwagh Na, Ter Aôndo u uma ka A gba eren, kwagh je ga, eren un ciki u se mbadondon, se mbadondon i due se i doo yô.

Ivur 1

Ter fa kwagh, u ken hemen kua ken ijime, ngu A sôron gbenda sha er a due se, mbadondon Un a doo yô, Aôndo eren ikyaa, sha inja sha inja, sha mkpeyol wase se mbadondon.

×2
Ivur 2

Aôndo ka a gba eren, tom er i va due se, i doo jim jim yô anmgbian, shighe gen zegecan, kpa i tser se, ngise Mbaheberu ve tema, ken ican keeng ken Igipiti, ka va kom, sha shighen u duen tsô, Ter kura ve yemen a iember, or kera fa er iyange nan, tema ken ican ga, lu sha u i due Yakob, i doo i tee Yosev, hingir kpan ye, i lu ci na iyange ijen gba kpishi kpa ve, kpe ijen ga ye.

×2
Ivur 3

Pe i lu la, shighen ugenegh yô a lu angev, shighen ugenegh ikyôr kpa shi a kera lagh u ga, shighen u genegh yô nenge, mbera mba u suur sha ve vea yem, shi a bee cii, a mase kenden we hen tembe, u tema viing! U gba henen, shi me er nana shawon imbya ne? Anmgbian, tor u uma yô ngu keren, gbenda aci wou A kende a kende ga, a lu hen, tar ne ga kpa, alaghga ka sha tar u sha.

×2
Ivur 4

Ka heera tseegh, je ga, sha u keren, gbenda avese ne ngu A va yange kwagh, u a hange u la, lu yange kwagh a Balam, jaki gba sôghol ityô u yemen ye, er Balam fa ga lu gbidyen, kpa jaki ti i za ga, ia ze iyange ma tser a ku, Ter fa yange ye, or wam umbur ken ishima, Aôndo nengen ken hemen, Una yange kwagh a we yô, we de hemban Un ato ga, u kpen m-ese u ishôm u paa, u kua mule u tema ken oo gyaang.

×2
Ivur 5

Nenge se mbadondon, Ter doo u umbur kwagh ne ken asema, shighen ugenegh ka i hagher, kwagh ngu a gba inya sha mimin, sha mlu u iyol ne yô, ka i nagher shin asema tsô, kpa kundu ishima de gban norom ga, alaghga u lu yangen, tom u Aôndo hen ior mbadondon iti Na, kwagh a va inya a hagher kpa shi se umbur gbem, awashima u, Ter ka u vihin ga.

×2
Ivur 6

Mo yô Ter, m va sha ishigh You hegen ka u zamber We, er i hangem ken ishima la hemba hangen We a mo Terem Aôndo, mea er U, ibo sha mhen wam yô Ter dem ase ibo m va gule sha u zamber ve, Ter mfega wa ime je hemba tugh, lu mfega ne iyange anhyev kegh, kpatu wav ve, a va hingir kpatu ti inyam ye, ka mfega man ve m hembe U ato ye.

×2
Ivur 7

Tor u gbem, awashima Wou a vihi je ga, U keren er a va due a doo se mbadondon yô, U na se Wan Wou jimin Ter Yesu sen, A va kpe ku sha aci wase ngohol ibo i se uuma, se mbadondon se umbur kwagh u, ter ka u vihin ga.

×2
Oricam
Rev. Ephraim Mbateren Shir
Atsam a Na: No. 975, 1063, 1073, 1156, 1386, 2316, 2317