Inyam i zan a ior ken mtim la penda ishigh, van ken tar ne, i a nyôr ken tar sha u keren, ior mba yemen, a min ke pe timin la.
la va nyôr tar ne, man tom u i yô ka sha u meen ior, veren ve akav, a yemen ken mtim u tsôron, ior ve va se ngohol nen, ikyav i Yesu Krisu ne.
Ka inyam i ngise i, tese Yohane ken cire i Patimo, er shighe u mkurtar a kuma yô inyam, shon i a due ior, mba ve yen asema a dondo i, sha ci u cian, ican i hen ayange la.
Ia ver ior a akav ken tar ne, i a er uivande kpishi hen shighen la, mba ve yen asema ve a dondo i, ka, porefeti u aie, Gogi man, Magogi dondo sha nyam shon, ka mba hendan a Ter ken tar ne.
Mba nyam la, a i ver ve akav, ve a lu a ian shighen la, u zenden, ken tar ne yemen kwagh, teen kwagh sha er ve soo, kpa ior, mba lun a ikyav la gayô ican, i a tser ve hen ayange la.
Zum u inyam shon a nyôr, tar ne yô i a, ver ior, akav a Satan, nenge kwagh u lun hegh una lu ga, u koso inyaregh ken iyou i nyar u za, a ikyav ga u dugh je ga, u za nyôr ken iyouchi a angev, u lu a ikyav ga a sôrogh ga, mato kpa u hendan u lu a na ga yô fa wer mba kôron we, ior mba vendan ikyav i Satan yô ve a tôô ichan.
Alaghga profeti u aie, inyam i zan a ior ken mtim la i va nyôr ken tar ne, se nenge, yô nomso mbagen a kasev, ve gema yaven ayol ave, iyol wuhan nungwa hegen, ne kasev kpaa ve gema huan, wondo hen ayange ne, shi nomso jim kpaa mbagen gema wan, inyarev ken ato shighe ne, shi iwoo-or kpa va seer, mba ve lu eren, akaa ne yô ka mba ve ngohol ikyav i nyam, la yô.
Ikyav i Yesu Ter wase ka mgemshima sha kwaghbo, u hiden hen Yesu, a mngohol u Icighan, Baptisema u sha mnger, man u ken Jijingi, shi u lun, a mimi man bem man, mhir u iyol jime, se ngohol nen ikyav I Yesu.
Ne mba ne lu a ngohol ikyav I waniyôngo ga la va nen fefa, ne timbir ashe a va bunde ne, shi kwagh a kar ne, Oryiman Ter ver injar, i mba ngohol ikyav i uma, ka mnyôr u tartor u tsôron, kpa mbadondon inyam ka mtim u gbem.
Ter Yesu Oryiman, na se Icighan Jijingi, Ngu esen, ior akav a Satan veren ve, ikya i Waniyôngo la, kpa ka mba ve vende Satan ve dondo Yesu la, ve na asema ve, Jijingi tema kimi, hemen ve hanma shighen.
Sôr se sôr asema ase, se undu nen aferakaa se kende nen diabolo man, inyam i zan a ior ken mtim, se dondo Yesu se na jighjigh ka mngohol u ikyav i Waniyôngo la, se ngohol nen ikyav i Yesu.