Shien u maren Yesu va kuma yô, ortyom u Ter Gabriel a va nyôr a loho hen Maria, kaa er Maria i sugh u, i rumun we sha mhôôn we u wa iyav sha Cighan Jijingi je u mar wan u ii Un iti wer Yesu

Er ortyom pase mmar u Ter Yesu, iniunkwase Maria shi wa iyav a mar Ter ken gar u Betelehem, iyange la Uhembansha Ter pase mbera mbakuramilev ken toho, er ve ungwa yô ve va sugh Ter wase Yesu Tor shi ve wuese Ugbem

Kape i mar Oryiman iember lu ne, mbakuranilev wuese Aôndo u sha, er bem nyôr oo! Mvihi u iyange se vihi se lu ihom a Ter la or u himen se ne A va nyôr ve, or u paan iyôngo i Tor u gbem, Un a er tom u yiman or Un a kure, Un a hide a vese ken tartor u Tor u gbem

Se mba ember, tar cica ngu ember nyian yô ka sha u umbur mmar u Ter Yesu Tor, er se ember yô se na uyua er mbafakwagh iyange ve na yô, zenaria kua shi azurfa, kwaghumandoon man mire sha mmar u Ter Yesu Tor Ugbem

Se ger iember iyange ne se mba ember mmar u Ter wase Yesu Tor ngôgbande a highir ka sha civir i Tor, i kuhwa kwen sha civir i Tor, i tsongor akacha hegen se ger atsam se wuese Tor, se shaven ka sha civir You Tor u tsôron ngohol se iember

Se ger iember iyange ne se mba ember Mmar u Ter wase Yesu Tor, adiguve gba imo hegen sha ci u Ter,Yehova Aba Kakaki mba se tôngon amar cii ka sha civir You, Tor u tsôron ngohol se iember

Se mbadondon, se fa mmar u Yesu Kristu Oryiman ne a vihi diabolo orihom gande, ngise nyôr ken Herode tim Rahel ônov mliam ger, er se ember hegen kpa se ver asema ga yô shi Satan a gema iember yase a hingir ijungwen, Un a tim perapera wase a Jighjigh, sha iember i Kirimishi mmar u Ter ne, Jijingi taver se se paregh orihom ne se de va timin je ga

Yo Jijingi va va taver se se ember Mmar u Ter, inja er shimion yange a ember shi wuese Tor u uma ne sha mngohol u wanikundan Yesu hen shie la, shin a mba ve lu a ngohol Oryiman Yesu ga la ve kpaa ve ngohol, er iember yase ia hom gbem je a nyôr sha tar u he u tsôron yô