Ngise Ortyom sen, va kôr derakon tseiyo u i yiran er diabolo la a kange un a gbihi shin ihungwa, a cir kwagh, sha mi a ver ikav er saa, shighe una va mgboghom u mkur a pase un, una gba tsughun ior ye.

Tom u, Yesu a va er sha aci wase tese mkange u diabolo, Yesu Ter, wase va paa se ityough, shi zenda diabolo sha ikon sha, se mba a ian hegen u civir Oryiman wase sha er se soo yô.

Mkange u diabolo tsan anyom dubu tese gogo-shighe, kpa, mbee u shighe la or mom fa un jega, se mbadondon Yesu yô, se kange nen asema, Satan yange mee Yobu kpishi kpa orti gema ga, a va lu nan, ken hemen kpa se kende nen Yesu ga.

Er i kange diabolo nahan je kpa, ngu tsughun ior her gbem a mem ga, kpa se Mbakristu yô Yesu na se mhembe Na, se suur, sha Yesu yô se hemba ormee.

Mba va pasen diabolo ken tar ne, kpa alu shighe u mkurtar a kuma yô, ihongo la diabolo a vihi tar ne, ior mbamimin a vese ga, ior alu deri mom yô ior, mba Aôndo Uma ve nyôr pue ga, ior a de isholibo i ken myer, a gema eren, ken igbar cica, idya man iv, iwuhe iwoo or a due tembe cica.

Diabolo kpegher a tar, hegen ne tar kera doo je ga, mba eren aferakaa ngee zan zan, ior mbalun icha a or ka ve wuese nan, ior mba zurum a nan mba puun, u nyôr nor, hen ikyum u fa ikyande ye, Ter u wase tar ne, gayô ifer or a vihi tar ne pulututu.

Ior kpishi nyôr u keren hemen gberen, ior mbagen ningir, or kuman ior sha kwagh ga, ka wea lu sha kwagh, mbagenev ve tema sha u vihin, dooshima u sha msange kpa ngee ayange ne gande, kwagh u mpav kpa ngee zan zan.

Se kpa se kange diabolo Ter wase Yesu na se mhembe Na, se kange un sha aeren a doon, er bem kua shi dooshima, man u lamen a ior sha inja shi den, ior mba eren se akaa a vihin, man u wasen ior ken tar ne.

Gema nen asema se dondo nen Yesu se na jighjigh, ne mba dondon diabolo cica, ne mba keren hemen er Miriam, va ne mba keren, icivir man mpav va nen cica, kuma pe a sagh diabolo ikor sha, ibem mgbôghom a ikyuusu ve, injar i Ter Yesu una va na, mba dondon Satan ka mtim, i mba dodon Yesu a lu iember.