Tindi u Yesu, A we se er se kuran, ka dooshima, man kwagh u a lu dooshima yô or, wam ka ieren, i eren a ior mbagenev dedoo vough er, we kpa u soo wer i er a we yô, ka kwagh u kuran un doo doo gbem je mbadondon.

Dooshima moron iyol ga, anmgbianev we daang ga, ka saan un iyol a ifer ga, ungwa kwagh u mimi doo, un ishima kpishi, man kôron or môm ihyom ga, kpa lun sar sar a ior, je gbe or iyuhe ga.

Ka u hanma or u dondon yô, nana lu a dooshima keng er, mzough a lu hen avese, mpav a lu ga yô, or a kera wa tindi ne iky o ga yô, nan ka ordondon ga.

Nenge tar ne, er u lu vihin yum kpa, ka mban u dooshima, ior kpishi je mbagenev soo, u doon a ior mbagenev ga, ve yô ka ior, mba wan apera, mimi ngu ken a ve ga, u zende shawon yô, u nenge anomaior a bo ne gber, ior mbagenev awambe nga haan, ve gber, ior mbagen ve wua ve, u pine mbaajiriv hegen ve kpa ve vôr aciu ôron ajir, a ngee ve gande, ityôkyaa jim jim yô anmgbian ka mban u dooshima.

Dooshima, kera ngu lun ken tar ne ga, kpe ahii kwagh, er shin tar ihyom tema tôr, ayange ne je yô, ken mbadondon je kpa dooshima ne gbe ndôhôl, ga yô nenge mbagen ve kôr mbagenev ihyom, ve yô mba kuran, tindi u Oryiman Yesu zeoo! Ve mba eren asema ve.

Se yô se kôr, or ihyom ga, se tesen ior mbagen dooshima, se mba bar, se nyoho nen ior ve yaan a iember, ashagbaior kua utor, icanor shin kwasekyoson, mbera mba tar u hembe ve cii kpa se nyoho ve, se tswer or je ga ancôghol nana za a iember.

Doo u hanma or, u dondon Yesu yô nana lu a dooshima, dooshima ka ihimbankwagh, ka sha dooshima, Oryiman Yesu yima se ye, se mbadondon se kuran tindi u dooshima ne.