Mo yô me wuese We shin tar Aôndo We u hemba cii, i lu We u gba sha kua tar ye, shi U ngu koson tar ne, hii sha u umace, man shi inyam toho man, inyon i sha man ishu i shin mnger, man ishondo je kpa U ngu koson, mbaanyigôô je kpa We u koson.

U hemba Ter Aôndo u uma ka We U gbe sha man, tar ye, ityôm You ngee, kuma udubu udubu imôngo man, ngi tesen, mhembe Wou tswen tseegh. Ter u er iwo tav sha kpiligh iyol, pepe ka i shi duen mnyim, ka se a za mngboughom hen pe i lu se fa ser, Ter Aôndo Ngu agee, Ter wase hemba cii.

U er uzegembamnger, ve ta ihindi gande, ka an je nan a kenger, deemee ve nan a kera gbidye ikyarkyase iyol a We Ter ga, ma or môm môm tsô ngu sha won ga.

Nyiar man, idyuran ka ityom i Aôndo, u uma; na nen Aôndo jighjigh, Ter Ngu a agee, Ter Aôndo ka una nyiar aduran inya ikunde tiv, tiv, se gba gbidyen a gbidye ikyarkyase.

A er iyange man uwer kua asa sha ciu, ve taan se iwanger, A er kwavaôndo u sha samber doo, ior ve nenge a mhemba Wou Ter Aôndo, ior mbagenev yô, ve gure anu inya mba civir We, mbagenev yô mba civir ka ityom You, awen kua ikyon, ior mbagen maa, inya ve gure her mba civir, Jijingi U Ter se mba sônon We, pase ve, ve fa er i lu Ter Aôndo, A hembe yô, ve va her a Na, se gure anu inya se civir Tor u gbem.

Cier iyol a ityom You, iyange i u er ne, ngi a ta dedoo yô, ikuma iyol gbing-gbing, inya i tsee zan zan je toho kpa, shighe la u use; U kuma ishagba Aôndo U kuma iwuese.

Ne utor, ne ugomna, ne ushoja man udasenda man, ne mba ôron ijir ken tar ne cii, umaceoo! Cia nen Aôndo, A hemba sha won, se cia Tor u uma se gure anu inya.

Mo yô, me wuese mhembe Wou, Ter Aôndo We U gba sha man tar ityom You ken tar ne tese se er u hemba, ka We a nôô, ura ga ior ve ger vaan, ayoo! Aôndo u va tim se.

Se yô, se wuese mhembe Wou. Ter Aôndo We. U gba sha man tar, ityom You ken tar ne tese se er u hemba. Ka We a nôô ura ga ior ve ger vaan, ayoo! Aôndo u va tim se.