Yeremia sen nyôr shin iyou yô a za nenge ormaantyegh eren tom, ormaantyegh lu eren tom la Aôndo lu tesen Yeremia ityesen Na, man er a nenge a fa yô a yem a za pase ityô na

Er ve ungwa shi ve fa tom u Aôndo A eren ve cia, shi ve civir Aôndo sha er Aôndo A gbe Sha man kua tar, man akaa a ken tar ne cii yô ka Ter A gbe ye, oruma kpa ngu sha ikyev Na, oruma ngu inyatyuu Aôndo yô ka ormaan

Inja na yô sha ayange a na la yô ityô na lu civir Aôndo ga, asaren atô kposo kposo hemen veoo! Ve yem u civir akombo, Aôndo Ter man na ian Ashiria va kura ve yem ken Babilon, ve za lu ikpan ve ya ican, ican tser ve yô ve gba vaan ker pinen er Ter Aôndo u Uma za hana, man ican ne i tser se imba ne? Yeremia pase ve ye

Er ngu heregh, ormaantyegh fa kwagh u un a er a inya na yô, Aôndo Un a va yima ve ken Babilon vea gema yô Un a yima ve, kpa vea gema ga Un a yima ve ga, shi hen ayange ne kpa imba kwaghbo ne mba eren her, hua u eren ngu sha akaa akaa man, u civir akombo shi ihom i kôron, man iwoo-or mba ngohol ior akaa kpishi sha apera ningir. Saa inyatyuu ia lu girgir ken ave a or u maan i la, ve un a maa kwagh u a doo un u maan ye, ga yô un a hembe shi un a sôr a maa sha er a soo yô

Mough za hen orumaantyegh nenge tom u a eren yô, ngu a kume inyatyuu a hue a maa i lu gbande, shie gen un a hue yô a maa i lu tsuwa shie gen a maa ityegh, akaa la cii ka tom u ormaan

Shie gen ngu a hembe inyatyuu i a hue la shi a sôr a gba maan er i doo un a bee cii, un a an a sôô ken usu a gbidye ikpine man mzeiyol a lu ga yô, ingira bee je ve, kwagh la bee ve mough za pe ormaantyegh a lu la we kpa za nenge iyol you

Kpa u ungwa maiyange inyatyuu la ia kende a chihi a pine orti u a maa i la ma kwagh môm zeoo! Uuma se mba inyatyuu, Aôndo Ter u Ter Yesu gema ka ormaan, Tor A maan se sha imo Na, Tor A maan se sha ishima Na se yô se lu ving

Wea lu ityegh yô ombo mngerem ken jijingi ior ve maan i kundun ve iyol shin asema, lu a jijingi u Ter wase Aôndo u tesen mimi man dooshima, se vihi ken Adam je kpa shi Tor sôr se, A maa se ken Ter Yesu Ter Oryiman a gbidye ikpine Na ka sha awambe a Ter Yesu kwagh bee kwagh kule

Mo yô Ter m ngu kwagh Wou kwagh u U soo la eren a mo heregh, Terem sôrom ken Jijingi m de geman kwagh u gen lun kposo a kwagh u We U soo ga, se mba inyatyuu tsô, maa se sôr se sha er se kuma uma u tsôron yô