No. 861
11 Avur · Abraham Aôrabee Gagajav
Mnder

Se mba lôhôn We iveren, Ter wase u lu na Solomon tor u wang.

Mrumun

Sen a iveren You, Oryiman man na Icighan Jijingi, A hemen tor ne.

Ivur 1

Ter U ngu a agee, U ngu Alefa man omega, u hemban u sha utor ka Mo Mngu, Tor u tsôron, A pase Mose sha iyol Na.

×1
Ivur 2

Aôndo U ngu a agee, U ngu Ter u hemban gbem, na ayange a tor wase a tsa gbem, u tesen er, U ngu Ter u tsôron.

×1
Ivur 3

We Ter u ageegh na se civir iti You gbem, sen a iveren i Icighan Jijingi na tor, a sôron tar, ken bem man iember i mngbough tar.

×2
Ivur 4

Iyongo ngi sha wegh Ou Ter Aôndo i iv a zar u wain, ka sha i je Ter U tôôn hen hanma or sha awashima Wou, We u tsôron.

×2
Ivur 5

Shi gema i, sha wegh Ou Ter Aôndo na tor, a tôôn hen hanma or sha mimi, sha civir You.

×2
Ivur 6

Tese icivir You, tartor ne u lu a iveren, man na kwav u tor a tsôron, na se fa U ngu Tor Wou sha ikyov ikyov.

×2
Ivur 7

Pe Farou fa ga, nahan zegetor nande, sha imo Na, ifi sen mena Farou a ior nav ve tim!

×2
Ivur 8

Ter U ngu a agee sha mhii man mkur gbem, ucerubi kpa ve gure kwav Na Sha la, U ngu wang, U ngu wang, U ngu Ter u wang gbem.

×2
Ivur 9

Aôndo U ngu a agee, U ngu Ter u uter cii, Tor u sha utor, U pasen gbem, Nebukadinesar cia Tor ga, nahan a hingir inyam!!

×2
Ivur 10

Ne mba i we ne zegetom sha ikyev u hemen ior, kura nen ityom, Zegetor, u A hembe yô, Ngu van u nengen.

×2
Ivur 11

Iv se a agee Ou iyange i U sen ijir la, utor vea ngohol injar hen Ter sha m lu u ityom ve ye.

×2
Oricam
Abraham Aôrabee Gagajav
Atsam a Na: No. 61, 162, 163, 164, 165, 254, 255, 256, 366, 367, 420, 421, 461, 462, 507, 508, 509, 578, 579, 580, 603, 604, 605, 674, 675, 676, 709, 710, 747, 778
Show 10 more 779, 780, 781, 860, 893, 920, 953, 964, 1025, 1188