Antikristu tema tor sha ayange a na ka anyom atar, man iwer ateratar je la, iyange ican a er se mbadondon.
Antikristu tema tor sha ayange a na, ka anyom atar, man iwer ateratar je la, iyange ican a er ior kpishi.
Kpa se taver asema sha ayange la, se suur ken Yesu, U lu hemba atsan A hemba ku, tsô se zua a iember, sha iyange i mhile Na la.
Ngu teman tor sha ayange ne ka orhyom u Teran, una va a atsan sha mbadondon sha u vendan iti i Yesu, kpa mbadondon se sônon Yesu, Icighan Jijingi u Ter Aôndo wase ngu her, Una tim zegetor u ayange atar ne sha ashe ase.
We Ter u wang, Ter wase U kaa Wer, sea nyôr ken usu je kpa, gwarce wase una hia je ga, man akondo ase a huma mnyim ga, sea hungwa zegemnger kpa se due yande la gengekeke.
Yô va se gba, yôôn iti Na a iember ken asema tsô makwagh ngu u una bunde, se iember sha ishigh ki Ter ga, Oryiman sen bugh se gbenda makwagh una na se, ijungwen ngu sha won ga.
Se yôô nen, iti i Ter hen utor, man akuraior, cii ityartor i ungwa imo Na.
Iti Na er, Oryiman Oryiman Wantor u Bem, man Begha u ken kwe u Yuda, Oryiman, u A hembe agee yô.
U pine Herode iti Na kpa una pase u a kav i, lu gba avungu shisha er ka amine yô, Nebukadinesar yav ken ikyôngo, a inyam imôngo undu tor na, pine Farou una pase u iti Na keng, er Mo M ngu tor u gbem, Tor lu nande tsô ifi sen, kua Farou a ior nav eleghee!
Se yôô nen, iti Na, zan zan akuraior a gure inya sha ishigh Nagh, maor ngu u nana tile, a imanger sha ishigh ki Ter ga, Oryiman sen va ngohol ityartor sha ikyev Na ve.