Aôndo ngu keren, ior sha u tindin ken tom u Mishen, u za yôôn loho u uma, A ver injar sha min gbakyôr, Ngu pinen er ka an a za erem tom?
Aôndo ngu keren, ior sha u tindin, ken tom u Mishen, mo m rumun je m kende wegh sha.
Mo yô, ishima i verem sha iyou i Aôndo Terem yô, i wuam, er A tindim yô, m mough yemen ken tar u icaa sha iwo i taven, kpa mo m rumun, shi u peren zegembamngerev, Icighan Jijingi, Una hemen me yemen a iember.
Ngise U hemen, Icighan Yohane ken Yordan a agee Ou, U na kwaghyan na lu, iyough, man mbaahungwa kpa lu shiren tom, Wea hemen mo yô, me er tom ican, alu nan kpa me er sha gba ishima keng, Tor ka We tseegh Ter Aôndo nenge, er tar u kehe kpa We U koson, U ver Elia ken ikyôngo kpa U lu koson, U tindi, ugugôô lu yaren tom la, ayange ayange Tor yange ishima i nyian se.
Na Jijingi A va ivim sha er me er, tom me cia ku ga, ken iti You me kende wegh me ôr, kwagh hen ugomna, hen utor, man akuraior a sha won a ungwa kwagh u Yesu er Ter A lu gomna u sha utor yô, ka u akuraior cii A va kpe ku, sha terankon, A yam tar, sha awambe Na, A va sha u yiman u.
Ken uzegembamngerev je kpaa Ter sha imo You, ikyarkyase a gbidyem iyol ker je ga, sha agee Ou me unde sha uwo u tseeng, ken tar u icaa ape me za nyôr la, me zua ishigh a ushoja, kpa me ôr ve, loho u uma u myom, me ôr mbavesen kua mbayev, er Yesu A lu Tor u mbaumav, A va shin tar wase ne sha u yiman se.
Tom ngee, ior udubu mba saan ishe sha iyange imôm Aba Ter A yer ye, er tom wou vough er Aron, man Hur ve er yô ve kende ave, a Mose ken u tya sha, sha u hemban Amalaki, sha ayange a tartor u Sha ne, se kende ave a Yesu sha u zamber sha u hemban mbahyomov mba teran.
Mba ve vande, yaren tom ne ve tese se gbanshima er injar i tom ne i gbakyôr, je ve hingir ruam ubegha man, shi atôndo, a usu ken gar u Roma, Dimishen, kende Yohane ken cile, i gber Paulu ityough sha ikyenge i Nero, kpa mbadondon ve de u yôôn iti i Yesu ga.
Se yôô iti i Yesu, i ôr kwagh u myom ne ikpilaior sha ityar ityar, hii ityar i ken tar u Asia man, ken tar u Europa, yôô ken tar wase Africa, ior ve ungwa kwagh u Jijingi A ne ian u ôron, mba ve ungwa ve na jighjigh, injar i tom Wou ka uma u tsôron, man iember ken ya u gbem gbem.
Se yôô iti i Yesu, sea nyôr ken ku, kpa Yesu Ter Una undu se ga, Jijingi kaa er i nder mba ve kpe ken Ter yô, mban er tom ve gbihi uuma vey sha ci wam, ve kuma u ngohol tsar u iengem u, Ter A tende zwa a ve sha mhembe, mkônom vem ma ken ya u Tor ve kuma u ngohol iengem i uma, injar i tom ye ka uma u tsôron.