Ka hanma iti je ia yima, ior sha won er iti i Oryiman?
Hii Usha zan zan kua shin tar ne, kpa i zua a iti igen ga, saa ka iti i Yesu.
Ter Aôndo na se iti, i hemban sha Wan Na Yesu, Wan Na uiunda, Yesu Oryiman, ka sha iti Na ne se hemba tar ye.
Ma iti i kuman agee, sha iti i Tor wase Yesu, kpa kera ngi ga, iti i Yesu hemba cii.
I hemba gomna, man mnzough u shoja kwa duhu imôngo, kpa iti i Ter Yesu hemba cii.
I hemba ishaghaor, hemba Naira kwa kuma dubu imôngo kpa iti i Ter Yesu hemba cii.
I hemba ikyaior i yase cii, man mdoom ma kpishi kpa Ter wase Yesu hemba, Ngu A gema ashaghaior man ugômna ve lu ikyom, hen shighe la icivir man mdoom kpa ve saa ishe, U kuma icivir tswen tseegh, We Ter u sha won.
Ve yô, mba nan, ior uma ga, kpa ka ku ve lu nan ior ye, nahan iti i Yesu hemba cii.
Iti ne yôhôr iwo i hembe agungu, hanma ijiir i pev a lu i cir cica, A pav avande kende Hade ivegher, Tor tese akuraior mhemba Na ve.
Se mba vangertiôr, u yôôn iti i Ter sha hanma ijiir pe A soo, hanma ishigh kpaa se tswer ga, hanma tar kpaa se gba yemen tsô.
Va se kange nen asema se yôô nen ivangeli i Ter zan zan ku.
Jijingi A va iv se sha u se yôô nen iti Na, se kpe sha kwautya, u Ter Aôndo A ne se yô.