Ka mhembe u Ter wase Aôndo, Tor Ter A gbe Usha man tar ne, man akaa a ker cii ye.
Kende ashe nenge nen Ter ver usha gba ca sha la fiinii, ka han zege mnger a kuan, ka a yem a za shi haan, mngerem ve maiyange ma,ivin hen ijiir la ga? Ka Ter A gbe, her ye, Ter hemba cii,a lu se time, sha ityom Na vie vie kpa se fa, ityom Na ia bee shawon va, Ter Aôndo hemba shawon, Va se civir, U A gbe sha kua tar yô.
Va se civir, U A gbe sha kua tar ne, man akaa a shawon, A hemba iti Na kpa er; Alefa man Omega, U mhii man kua u mkur, vande lun ken mhii Ngu hegen, Un A lu gbem sha iyange i mkur. Kwagh u a gbe lun a mfe Na shio yô ngu sha won ga.
Ver ashe nenge, er sev ka mbu a av iyange i due sha, kwavaôndo a iwanger, Ka ia mile tugh aile yô Asan kua uwer, ve due sha, kwavaôndo a iwanger. Ter Aôndo yô ver ve shaa ciu ve taan iwanger, sha ashie A Ter Aôndo A ne ve tahav, yô Ka an ayange? Fa ngi sha ci u ican or kua tor. Ngi ci u wan, kua ancôghor man akaa a shin tar ne
Nenge Ivo-dura, man Ashim ken toho man sha iwo kpa mba maren, or u kôron ve mar ngu ga kpa, U A gbe tar yô ngu iwasen ve, Ter ngu iwasen i hanma kwagh, Un u Agbe la.
Kape ilu la, Anema nga we iya ga er a zeren sha kon kpa, Anema ga maren ônov nev mba vesen, Or u kôron a mar ngu ga kpa, U A gbe tar yô Ngu iwasen ve, Ter Ngu iwasen i hanma kwagh sha er A gbe yô
Man nenge, Inima i lu er ka Ihiev, nahan ngi a akper, shi ngi purugh kpa se kenger yô Inima ka Inyon ga, ngi a anyi, nahan ka Inyon ga. Inima ngi we iyav ngi maren shi ngi ne ônov, Atumba inyon er imba ne ga, U hemba sha won ve tar u cia U, ityom i Ter ngi shi tesen mhembe Na zan zan
Ter Aôndo, er Kusugh ver shin mnger man Ayu vea Nor-mnger kua Leviatan, er Kusugh ka una dura yô, akaa uma a heregh cii a kungu akev. Ayu mende Ice sha ityo igba ayôghor asaan un iyol, u gbuusu, a iv una yar, iniumbe shin aiv, aiv ava gbuusu, Nor-mnger kpaa una yar, inumbe shin aiv aa gbuusu Leviatan, ngu a usu ken zwa na, pagher mngerem, myesem yesom na duen a iwanger, Ter Aôndo ka mimi mimi je U hemba taru ci a ci ca
Gbaaôndo,wuha sha kon doo nengen, kpa u za her yô, u nenge a tine i Gbaaôndo pe imende, ve iwoho sha kon, er dedô-akô, shin, kpamberakpa man ishisagh ga, kpaTer fa pe i mende ve i, za woho sha kon yô?
Mo kpa u maghem, sha agee Ou mlu ken uya je akuhwe amkpa u, er a ken sav cii man, u due a mo ye. Ior cii kape ilu la, ijile se cica cii, lu ken iyav mbu u ngôôv asev i nu ge Mase, nahan yô va se civir Aôndo, hemba shawon se na nen Yesu, wan Na Jighjigh
Se a na Yesu Jighjigh yô Ter ver se tartor Utsôron, iyange igenegh se za nyôr ker sha mhemba Na la