U kuma ishughun sha erdoo Ou, U ngu Alefa man Omega, U mhii kua U mkur U ngu Tor u tar cica, hanma vegher, U fa hanma nongoior ken akuraior cii, U ne se iveren sha ikov ikov

Uter man ungô asev lu civir We kpa lu ken ime, shie la ve fa Oryiman Ter Yesu je ga, kpa ka kom yô mbatesen va nyôr a loho u myom Wou

Lu Yesu Oryiman yan tindi mbahenen loho ne ye, er za pase nen u umace cii, or U nan a ungwa nan a na Un jighjigh yô Ter A yima nan, kpa u nan a ungwa nan a na Un jighjigh ga yô ijir i kôr nan a war ijir Na ga

Ve lu pasen ior loho u myom u uma ne zenden sha ityar ityar, ve hii lu ken gar u Yerusalem, samber sha ityar ityar, zan zan se kpa se ungwa se ngohol ve se ember ye

Yange ve va nyôr a loho u myom u uma ne ken tar wase Najeria yô, va va nyôr ken tar u Benue lu inyom i dubu môm man deri utaan-kar-unyiin man pue-kar-môm la je mbatesen va va nyôr a loho ne ken Tiv ye

Kape i lu la Oryiman Yesu ka myom u tar cica va se civir Un, myom u tar ne Ter lu na hen Mbayuda, samber sha ityar ityar, nyôr Afirika, va va nyôr tar wase u Najeria, zan zan ken tar u Benue, zan zan ken tar u Tiv, nyôron ken uya mba kiriki man agar a tamen, ior kpishi kape i lu nyian man ve se ember ne

Alu se nenge sha mimi kape i lu pasen hii sha ayange la je zan zan nyian ne kpa ior mbagenev yô mba a na jighjigh sha kwagh u myom u Yesu je ga, man ka gbenda u myom u ior cica je ne, yô va na Yesu jighjigh

Yô va ngohol myom gbilin, mba yamen un sha inyar ga, ka sha mne u nan jighjigh hen Yesu Ter, injar i ior mba vea na jighjigh ka uma u tsôron