Aôndo U hemba ka mimi Ter U gba sha man tar shi U er, or kpa U ver shin tar ne sha mfe Wou je, U gba akaa shin tar ne hanma sha inja na

U gba utyombo man lôhô mba ken toho cii sha agee Ou, U wuhwa ve iyol doo u nengen, mba te mou hana? Man Tor Solomon je kpa lu haa akondo mondo kuma sha mô ve maiyang ga, shi U er Hum sha agee Ou, Hum yô ka un a kenger ve hen shie la maa a gema kwav na u iyolough sha mlu mba uimondon mbera ve lu la, Tar ne ka U Ter, nenge Aôndo er Kurugh wa ngu ken igbende. Er Timekumun a ze ijime ijime ka Ter A gbe ye

A gba Ikyambe vaven ônov nav sha vanger ngi a taan aji yô shi i kuve ken wanger, i zenden a aji sha vanger, ia va tseven shi i vav, ônov sha vanger, her di koughloo Ter er Achineku nga a megh, kwagh môm kpa ker a je ga, inyon tswam hange Ahungwa u yan ga kpa i hange Achineku, Ichôngo hange ahungwa ga je kpa ichôngo ngi ye achineku ga

Shi se nenge Ikianper di ngu a taan aji na yô, a za nyôr shin ho la a maa a mase veren ci u nom na a koson un, shi a tsuwa ingyur iyol cii a nyôr iuv aji na a tsev a sôr a gba hian a ônov nav imôngo ye. Er nan inyon igenegh i te shi i tseven i eren imba ne ga Aôndo? Ka We u fe ye. U hemba cii ityom ne ka i agee Ou

Aôndo ver ikyar ngi ken Tetange man u kôr un u pav u kenger kpa u nenge a ikyar ga, kpa Un a gba tan i yô, u nenge i peregh peregh, i cia Ter u Uma, A er Muemue a iwanger nenge er tugh ka mbu a ile yô a gba mi mwerem tsaren ningir

Ter Aôndo ityom You i kiriki cii kua i vesen ngi tesen se mhembe Wou iyô ngi a angahar ga kpa iyô yevese, man Ikpôghoragundô i ma i hembe ayem la i cii gema ngi fetityo a ayem ga, kpa i ngee a angahar kuma akundu imôngo ka kwagh a kohol i kpa i yevese je ga. Zum la yô ka i hule er, ka kortaav yô i kera nure nya i yevese ga, Aôndo U ta hindi sha won ve

Aôndo yan gba tar ne i lu sha mhembe Na tar va vihi kpa shi Ter sôr ior myom ken Yesu Ter. Shi ka kwagh u myer u genegh u a kpiligh iyol ne ityô yam va nen va se civir Aôndo Ter u tsôron