Ijaki la i tesen se ikyav sha kwagh u bem man, shi tom, nyinya yô ma a tese ikyav sha ityav, Tor u Yesu kpa ka Tor u bem u shilen tom yiman ior, sha won.

Ter Yesu, tema sha wanjaki tsô mbahenen, gba kuhwan Un, sha atsam atsam doo ikpilaior, ger iember tsô mbagen samber akondo a ve, sha gbenda, mbagenev samber ikya ulegh, ijaki lu ndyaren Karen.

Iember ger sha won, ken Yerusalem atsam kpeman ato, er Hosana i wuese Tor u Iserael, u A ve ken iti i Ter Usha yô, bem man iengem sha U sha tsô Mbafarashi gba yangen.

Er Ortesen, yange ior Ou mban ayôôso, Yesu kaa er Me kaa, ne aluer ior mban vea huan yô, ne ungwa awen a gema gbile vaa jim jim.

Ijaki i, Ter A tem sha min ahegen yô ka ken mbadondon, mbera mba ve lu asema legh legh yô Tor, tema ken a ve mba a iember, ve bee ijaki sha bem man tom, wer kpa gba ve u yôôn, iti i Yesu sha won ga.

Yesu ka Tor u bem, nongo u Kristu kpa ka nongo u bem je, Ter Aôndo ka u bem, man se mba se lu ônov Nav se lu bem bem a ior zan zan.

Yesu ka Tor, man nongo u Kristu yô ngu inja er ka ijaki yô, se mbadondon se mba kuhwan Yesu, sha atsam atsam kôndon sha Yerusalem, u he ne mba yangen mbera cii va nen se kuhwa nen Tor a iember de kera, yangen nen ga m zamber.

Kpa ior mbagen venda u lun ijaki, mba nyinya heregh, nyinya ka a wa tswam iyol, man heen mba ve hendan un, tom kpa shir ga, Ter kpa teman, ken mba ve lu inja er ka nyinya ga, ve mba yangen Nongo u Kristu sha u yôôn iti i Yesu zanzan.

Alu se bee nen, ijaki sha bem kua shi tom, Oryiman Yesu A tema ken asema ase se za se nyôr sha Yerusalem gbem.

De se bee nen Ijaki sha bem kua shi tom, Oryiman Yesu A tema ken asema ase Jijingi A hemen se nyôr a iember Sha.