Aôndo we U, hemba sha won tswen tswen or mngbôghom a We ga, U samber, u sha Ter U tema U samber, tar ne man U penda angahar, Or a de kera bumun sha man tar, ga ka ikyagh ki Tor u gbem.

Aôndo hemba, se mba yilan ser Alefa man Omega, U hii hii kua U mkur, Aôndo U Aberaham, Aôndo u lsaka, man Yakob, Aôndo u mba umav, ti Na i genegh er Mnguinja na yô ngise la kpa u, shi ahegen kpa Un yô Ngu, ken mkur kpa Ngu heregh ka Jijingi utsôron, Tor. hemba sha won ka Ter utsôron.

Kaan or u uma jim, jim je nan a er, or ve nan a lam ade lun Atoki? Aôndo er or yô mungwa or lam.

A lu ora er, or nan a wa or ashe kpa, nan a nenge zeoo! Nan a lu a ahenga nan a oo ga, nan a lu a ato nan a ungwa je ga, u er angahav a doo kpa nan a zende iyol, na ga, nana lu Atoki: kpa Aôndo yô A er or, bee kwagh shi ga, ior ve ciau sha er U hembe agee yô.

A lu er we a, lu a tahav ken tar ne yô, nder orkpen, va tese se, se nenge, or ngu a agee a nan a faityô nderen orkpen ga, kpa Aôndo yô yan nder akuhe hingir ior, je lu ikyur itamen, ior mba tsuar yõ ve nenge sha ashe ve.

Aôndo ka we tese mhembe we a a se Umace, ichegh yô, tar cii u fa er U hembe yô, jen ikor, se gba kanden, shagba kpa a hemba se, or mốm, môm kpaa nan na se ura ga. Atôaikyaa ne tese se er U hembe agee yô.