Se tema nen girgir, se ver nen asema hen Ter Aôndo, se sase nen, akaa tar ne ga se tema nen girgir.

A lu u lu akondo ou a zeren, man we a lu a sule u yan, kwaghyan yô I kuma u, ka kwagh u Aôndo A ne u yô.

Se mba ungwan, er tar ne u lu gbuusu kpa ka er, kwagh a kom u ga yum yô, kwagh er je kunda iyol mmem kpa ngu lun shawon ga.

Hen or, kpa ka kwagh a kuman nan ga kpishi yum nan vihi tu, mlu u nan a anyion zan zan, nan zer ayongo a anmgbianev, sha kwagh u Aôndo A ne, ve yô.

Den mngbeghan or, sha tom u Ter Aôndo A ne nan mayan ga, de kperan hemen a or, man icivir i nan, we u ngohol sha apera ga Ter A yue u, u gba icaver.

A lu se umbur, kwagh u Yosev man, Solomon tsô se fa kwagh u ishagba la a kuma se, er ishagba ka i laha or man i zua a ishagba ga, man, ior mba ka ve shi lahan ior er ma m lu ishagba la kwagh, u ka ve lu keren, yô ka ku tsô ve keren ye.

Se nôngo a nôngo ishagba sha, apera ga se de keren, mtsera u yan Ter A yue se, lu yue Miriam sha imbya la zua imande iyol yoholoo.

Ka ape ngise, Abilam, ve a Kolaki man Datan, zer ayongo a Mose gbem, er a ya kuma yô, a na ve ian, ve kpa ve a ya, kwagh la ishima vihi Ter ôr, kwagh a inya er i mena ve, inya aver zwa kura ve mena ve tim a tsombor, ior mbadondon ve kpa usu tim cii.

Alu se de u civir Ter Aôndo veren, ishima keghen, se lu lahan ior zenden kperan, akaa sha ipira yô se lu uma ga.

Se gure nen, mbamsen, Ter A wase se, se de u keren icivir i tar ne, man u kperan hemen, a ior, mba Aôndo A ver yô, se wase a wase ve sha er, tom u Ter a samber u a tser tar cica.