I mar se Oryiman, doo se ka se ember ior mbagenev ve lu sen se er, mbaatsamev yô, kwagh, gba ve ga, saa di u tsan per, sha u wan amo tsô.

Ka se gba ember, wan atsam yô, i lu nengen ashe er ka ibyumegh, se lu bumen ye, mba ve fe g,a ka ve lu henen er, mbadondon Yesu ka ior mba lun a ikyo iyol ga, tsô ve tema ken mtim, ve hunde mô ve mômkpa umbur ga.

Aôndo bugh ve, ashe a ishima ve nenge ve dondo Yesu, vea war ye, ve de u henen er mbera mbadondon, ka mba saan ishe ga, ve va cii, se wuese Aôndo, se ember, mmar u Yesu, Ter Ter u A yem se yô.

Ka mbafankwagh jim jim, ka ve lu ember mar u Yesu ye, yan i mar, Yesu kpa, ka mbafankwagh, ve vande zan a iwua ve ye kua mbakuranilev kpaa, ve tôô, iwua i sha aye kua i shin ishima, tsô ve kange ikyav, fese je ve gba yemen.

Ve za nyôr hen pe Maria vea Yosev yan ve gbir Wan shin kpese ken ityôruile la ve gure inya ve er msen ve wuese Aôndo shi ve sagh ikyav vev, ve na uiwua man ve mase hiden.

Se kpa se ember Wankyundan, se na nen uiwua mba, shin ishima kua i sha ave, Yesu Tor A hemen se se za tema tor.