De luun a or, orihyom maiyange ga, ihyom ngi a inja hen or, orkristu ga ve m ôron ye.
De luun a or, orihyom mayan ga, ihyom ngi a inja hen a vese mbadondon ga.
Ihyom i kôron, yô ka tom u diabolo or u dondon yô ker ihyom ga, ngi a tema ken awe yô fa wer diabolo wa u tom ve.
Nenge ka i a tema tor, ken awe u ule, u saan je ga, ior kpishi ka ve kenger we, inja er uhôô yô, mbagenev ka ve yevese we, ve rumun we ga, man sha tar u sha kpa i rumun er ihyom i za ga, man, i taa gambe ken asema a mbagenev jim-jim
Ihyom man ifyer man iyuhe ior, mba utar mban cii tom ve u kaha ga, mer tom ve yô ngu inja imôm de me pine, hen or u maren ve Satan alagh ga iyange mar ve ahina
Ka we kôr ôr ihyom yô, nana ôr, kwagh u mimi kpa u venda, wer ka or ihyom, mnenge ikav hen Ahaba man, shi Mikaia, yange ôr, kwagh u mimi kpaa tor, Ahaba ti venda atôô, ihyom a ver ken hemen, za kpe sha ibume ye
Mbagenev yô ka ci u iveren i Aôndo Ane er ior mbagenev yô, ior kpishi ka ve lu mgbeghan i sha ci u, ihaa kera yô i hingir, nan daang, Mbayuda yange mgbegha hen Yesu kpa faityô u bunden ga
Yosev, kpa alu a iveren i Aôndo yange na kar ana yô, ihyom kôr Yosev, kpa akende Aôndo ga, lu zenden ve a Ter Aôndo, Aôndo na un ikyôr i laghen, aza tema lu ken Igipiti, akoso, kwaghyan henna, zan zan je a iwar ior, mba kôron un ihyom, kpa yange ve za war sha ikev na
Alu u kôr or ihyom, kpa fa wer u pande iveren i nan ga, fa wer we yô u ngu seer a seer nan, iveren i vesen, kwagh u Aôndo kange yô, a er nan ve or asagha, em mba ne ongo yô due nen, ken mtim la, iyange i de timin ne ga.
Ihyom ikôron, ngi inja er ka mtwem yô, ka or, atsenda yô ma hide, ma va sha anan, Haman, kpa tsenda Modekai, va hide sha ana, atim kon, er una sende Modekai kpa shi i hide va lu sha iyol na.