Ter Aôndo tese ikyav Na hen vese Ter wase na se iyange Tor penda er i lu se iwanger, tugh kpa nenge, Ter wase mondo se asan, shi A mondo wer ngu, nan se iwanger.

Shi Ter ii se ati, Ter wase yila se er iwanger, Ter Ngu yilan se mbadondon iti igen er gar u sha igyungu lu myer hana? Mbadondon, taver nen asema, se a, za han han je kpaa se lu iwanger i boung, se de u pilin, man se lu ken igbar sha er, mbera mba ve fe iti i Ter ga la er ve a nenge a iwanger yô.

Ior mbagen, tsar amenger je kpa ve tôô, ukapu ve cir amenger, ve de u pendan sha tebul, sha u ior mba nyôron ve nengen a iwanger, man shi gar u sha igyungu kpa ve yô soo ga, ka ve za nyôr hen mbera mba kaven Ter Aôndo ga, ka u yeren a yer her kpilekpile.

Kwagh ne tese u cirin kapu sha imenger, Ter Aôndo yô soo er, se a zende a za han han je, kpa se kende a iwanger sha, ior kpishi mbagenev yer, iwanger i uma, hen uya vev je kpa ve tese iwanger i Ter ga vande pasen ya wou kwagh u iti i Ter Aôndo, u mase pasen hen uya mbagenev ye.

Imenger i, se mbadondon ka aeren ase man u lamen sha inja sha inja, se mba se lu mbadondon, u lam dang u ngu yangen, ivangel u samber, man shi gar wou yô kera ngu sha igyungu tseeng ga.

Yô se wanger tar ci ca u nenge a Tor wase Yesu Oryiman, u va kohol, se se tsar amenger se lu yemen, gar u Kanaan u Sha, se za nyôr sha ya u sha ikyum i Ter se ember yagh-yagh.