Se mba zamber We, cule cule Tor Ugbem, tar penda bur avese se yilan We Aôndo, zungwe se mhôônom

Ter atsan, atseren se hegen ne ka sha ibo yase je, se Undu u se gba ica a We ve, atsan ne alu tseren se ye, se kende imo i Ter atsa, nyôr se iyol gbing gbing.

Iwoo-or shin tar ne ka beer kwagh hegen, se mba kpen ikuu, sha ikyev i atôatyev, mbagenev, ka sha gbuuka, mbagenev i sôngo sôngo, mbagen i nande ve ka sha usu-oo, man ayou a msen, a Ter Aôndo kpa ve tswer ga, pe mba Kristu ve zough ka ve za nehe bom tiing, tiing, je ve wua ior, beee ikunda iyol, tar wase hegen u penda, ishigh pe timin

Jangev nyôr, kpishi ken tar ne, mbigenev, ifa inja i mbi ga mbi ife mbi kpa u sôron, mbi yô ka ican tsô, ior mba kpen ubo mba angev, mban ve ngee gande, ar-ikyôr, sha akôma-igbinda ku wuan nduulugh, mba numun gbenda mba wuan, kôron mbagenev za yeren, er saa a na ve inyaregh, milien u milien imôngo, je ve a pase ve ye, aye! Kwagh tser se ve, mmem tsô ngu sha won ga

Ngise se ungwan, ambaakaa ne, ken ityar i caa je, er ken tar u America, man Asia, Liberia, man igen kpishi je, kwagh ne va va nyôr ken Nijeria ngu memen ga, Benue kwagh ne kohol we, ken tar u Tiv, yô Tiv mba wasen a wase, atôatyev tom, Tiv hide mba wuan ayol ave, kunya kôr, Yesu, ahii! Shi gema, ashe nenge ican ne

Ka hanmaor, jim jim nana yange, akaa ne, shoja i, Nijeria i sha tar, i sha ahumbe, man i shin mnger,kpa kan shio ve, mbakurantar mbagenev, mayange ve faityô ga, agbough a u ôn a Tiv, kan shio u yangen, mbahemen, tar u Nijeria fa er vea er, man iwoor ne ia bee je ga, tsô se er nan man, se war iyugh i Ter ahe? Saa di, se hide hen Ter, man se war iyugh ne ye

Aôndo Ter ôr, kwagh a Iserael, hen shighen u ve undu un Aôndo ve ifan kôr ye la, Tor u Uma kaa er we a hide, hen Amo a zamber, sha mimin yô me gema m lu wou, shi me zungwe u mhôônom, man shi me kohol we ken akuraior cii, pe msambeu u za lu la, me na u iveren yam

Se hide nem, hen Tor u Uma ken iti i Yesu Ter, se de afer, a diabolo, shi se kende mbaaôndo mbagenev, se hide hen Ter, se ta nyagba uya, se shar shin mtwe, kwaghyan je kpa se hôr, se yav sha ibyashôhô se gure msen, sha ci u tar u Tiv, Benue, Nigeria man, tar Africa, tar cii, pe Mose kpa zamber Ter, sha ci u afer a mba Iserael, Ter penda se iveren man, ifan sha ishi yô, se tsua nen iveren.

Ter se kav ibo yase, se hide a zamber ve Ter Aôndo, de se ibo yase, se er msen u Ter Yesu sha cu, mbela mba ve lu wuan se la, ser Tere, Tere de ve ibo ye ga yô ve fa, kwagh u ve eren ga, Ter Aôndo ken iti i Yesu zungwe se mhôônom.