Ngise Davidi tema tor ken Iserael yange va bee iyol yô, Adonia mough kohol pristi Abiatar vea Yoabi man shi ônov mba tor kua mbayuada cii, ve gba kuhwan Adonia tor, ian tor la i lu ina ga lu kpenen girim

Tor shon u Adonia lu veren iyol er un ngu la kera lu un va ya tor shon ga, i lu Solomon u tema ving la tor va due sha a na ye, kape mbera mba ve veren ashe hen Aôndo ngu a wase ve la, de girim je ga, we kpa iyange ankpev wou a kpe tsô u ôô myam, kegh a kegh iyange you ngi van de yinan ishima ga

Ter Aôndo tsahan mbera mba ve sendegh sha kwagh u a lu u ve ga la, m ungwa m ôron ye, Datan Koraki kua shi Abiram ve sendegh sha hemen u Iserael, Ter Aôndo Tor na zwa inya i mena ve

Or u Aôndo Elisha yange bee Naaman imande iyol kpa a venda u ngohol iwua hen Naaman, Gehashi za sendegh keng ngohol, iwua la lu sha aci na ga kpa a ngohol, a kpera mzemba sha usu a hingir a imande iyol yoholoo

Sule u Naboti lu sha aci u tor Ahaba ga, kpa a sendegh keng wua Naboti shi a ngohol, Ter tsaha un a faityô u yan u maiyange ga

Hegen ne kpa ikpilaior mbagenev kpishi mba sendegh sha akaa a a lu a ve ga, icivir i keren kua shagba man iti i zan gwa, ve hungur a Ter wase Aôndo, anmgbianev ikyaren i Ter A ne se yô i kuma se, se norom sha apera se za zôr ijôv i oron ato

Ken Nongo u Kristu kpa amba la ban je ga, Ter Aôndo ver se aan, hanma wase sha iveren i nan je, kpa ior mbagenev undu aan ve la ve yem sha hemen u keren, ve nyôr a ayôôso ken Nongo u Kristu

Se girim ga se sendegh nen ga mbadondon Yesu, Ter Aôndo zungwe se mhôônom A na Oryiman Yesu A va kpe sha ci wase, A sôr myom sha ciki wase Aôndo Tor fa ian i hanma wase ken tar ne, kpa se hemba fan a Ter yô myom a za kar se sha