Ka er, i kur jijirôron i sha tom, u ifyer fefa ga ve, ishima i aferaior alu taver, sha ifyer u wuan ior ken tar ne, inja er, ve ve hemba a hemba agee ye ve hemba, Ter wase agee ga.

Diabolo wa ne tom hegen a nungwa atseregh ve, ka i lu inja er ior, mba wuan ior ne ka anomaior a bo di tsô er ikur-ior i gen ta num sha ikur, i genegh ve, mbakuran ilev wua, ior mbasulev, kpaa tom u ifyer ne u num inongo i kristu, u wua u-icighan mbaiorov, ifyeror sha ayoma na yô ka tom ivangeli, a lu nzughur u ye.

Ne mba wuan se, ken tar ne sha sanker, man ugbuuka ne mba nanden a nande ior i Ter je, kpa ne kav dyelegh wen, sha iyange i Tor Ter A va la, ne kungu akev, been er ne lu a tahav je kpa, maiyange a bee sha won ga.

Ngise Ter kure ijiir, i Farao u a er Iserael atsan kpishi la, Tor u Uma Ter yange ngôôr kpa A va nyôr yô, er Igipiti atsan hemba er yange ve er, ior i Iserael ja, shi wua ve ônov mbaiundav, ken masejime yô A tim Farao, man mbautyav cii shin zege-ifi u nyian elegha, mba bamen Ter wase la, Ter ka A tsaha iyol Na.

Ngu va ôron tar ijir, shin Una ngôôr kpa Ngu van, Una va sha abeen aa mbatyomov, Una ôr tar ijir, ka gyamusu a tsaha, mba ve fe Aôndo ga, mba vendan iti i Ter Yesu, shi eren ior atsan ci u iti Na je manger la, Una tim, ve a Diabola ken, usu Utsôron la.

Tor u Sha na ne i, ian hegen ne u geman ishima waren iyugh, ka a ciu, hemba Ter wase Ter u tsahan ifyeror ga, kpa ishima wan ne a hingir ilyahan yô Tor, Ngu van a iyugh a er, ne atsan je a hemba er ne ne er, ior i Ter ican la, alu a hengen ne ga kpa, mo wen a za tar u Sha ga.

I kuma hegen sha u taver jighjigh u nan wase u se ne, Oryiman Yesu ve mbadondon, er anomaior a bo ne a mough u wuan, se kpa se fa kwagh ne, ve wuan iyol kpaa uma mo ve a wua shawon ga.

Se taver asema ken atsan ne je zan zan, se a lumun ku, ka ciu iti Yesu, yange i mhir u Ter, A na se injar i uma u tsôron.