Lu purugh ningir, yôôn er, kwagh a va tser tar, Ter tese ivande la hen Yohane, er a nenge yô a nger, ior ve ungwa zan zan, sha ikyov ikyov, er shie u kwagh tseren a va hii yô, i de lun ior mlan mayange ga

Beem er, kwagh u tseren shon ahii yô m ngu nengen, shi mngu ungwan, ityav sha ityar ityar, ikyurior i gen a ikyur igen nôngon, ihom tema tor mzough ngu lun je ga, kwagh u mba via a mba via taver, bouange nyôr u wuan ior hegen pe se za, ngu lu sha won ga

Bem kera ngu ze-oo hen ape yevese yeren ngu ga, tar tsee gande teman, ku yisa se ken ikyôngo, yisa ken ya, wuan se sha akôm a igbinda, se hingir a ikyav ityo, gengee pe se za mem kpa ngu lun je ga, ican i tser tar ne hegen ye, shi kwagh tser mbakristu, Aba se mba tsômbor u Isaka U kende se a tim se cica

Jijingi, yô va suwe se ga yô se saa ishôm, ken ayou a msen, a civir We mba wuan se shi nanden a, uya asev man kwaghyan, atôatyev va ngohol, tema sha min, ijen ngi kôron se, ungô asev mba gen hingir kasev mba icôgholov, ônov icôvul kohol ve, Ter U tema U ngu nengen se yila U ve, se ver ashe We Ter pande se ican ne, kwagh u atser se ne se vôr gbeda gbeda

Anmgbianev, iyugh i Ter shile sha avese ve, va se zamber a Ter u uma, icuwan nongo u Ter Israel, je kpa yange vea kende Ter,Ter A undu ve, ikyurior i nzughul a ve shi i hemba ve ityav, shien u genegh bouange a wua mbagenev, vea vaa afanyô vea hide yô Ter A zungwe ve, Benue Najeria se de nen, afer se vaa a Tor, Ter wase A yima se

Kpe ahii! Ter se mba yer sha iti You, shin er se hôngor afer ase a lu bong kpa shi zungwe se, ga atôatyev a va se se, yange U zungwe Mbaiserael MbaIgipiti kua ve saa mnger, zan zan nyian ior Igipiti mba umbur er U hembe agee yô