Ishima you igbe iwan, je fa dedoo we yô kwagh tser u ve, iwan i shima ka chôron u ange; er u gbe je bunde u waren saa di Yesu Un a va iyol Na

Iwan a gba u sha iyol, shin alu sha nguhar, alaghga ku genegh u tuur sha, man alu hôwe kpa ugen shi her, alu ishe you je kpa igen la, alaghga u faityô nengen ker

Ken ishima yô iwan a gba, yô ka hanma vegher alaghga guda lu u ker sha won? Pe kôron, ave ugen ngu ga. Kwagh gande uma wou saa ishe, man mlu wou jimin kpa eleghee

M ngu ôron, kpa ka iwan i sha iyol ga ka jijingi mba ve fe Yesu ga yô ve gba iwan, i ken shima la ka bouange. Tar iv a zegeiwan, ifan i ker tar mvihi a ngee ye

Ior mbagenev mba zenden, sha doo doo sha iyol kpa asema ve gema nga a angev; sha ashe yô u nenge u fa ve ga, ve yisa akôv a iyôngo iyol cica, ior mba gen ka mbatesen, mbaivangeli, mbatamen; er ve lu a Ter Yesu ken ave ga yô ka gbilin cica, zan ve tartor u sha la sha won ga

Saulu, yange lu a zege-iwan i ishima la kpa a fa je ga, i lu sha gbenda Ter Yesu za ta, iwanger sha na mase kaven ve i bee i ye, yange Nikodemu lu a zege-iwan, kpa a fa ga i lu Yesu ta icigh ye

Ikpilaior shin tar ne ahegen se nenge yô ve gba iwan, i ken ishima la de me ôr ne; mba iin, man shi mbadyarev, mbawaniwuhe kua ihom i kôron, ka iwan i shima m sav a sav tsô, mba fan Yesu yô mba a angev ga

Se nenge, sha ayange a hegen kpa mbagen kav ga mba ombon akaa ningir, iwan ishima na ve ve kav ga. Ka u ngohol ior akaa ningir dooshima ngu je ga. Hua ngu ken ve shi mba eren iwuhe

Er ka a lu pasen loho u Aôndo je kpa maiyange mba fe er ngu ci ve ga, ka ve yem yengen sha mba loho u ker ve ci ve lun ker je ga Tor wase ve ve na Yesu jighjigh

Mba ve lu a angev cii, va nen hegen i bee ne Yesu ngu yilan ne, mba angev mbu iwan i ken ishima, i ker ve va nen A yima ne

Ma or akav ibo i nan, ken ishima i nan ga zan zan Yesu A hide yô, iwan i nan la ngi a cigh ga

Alu se gema asema cii, hegen se na Yesu jighjigh, iwan i shima yase yô ka i been na la