U kendem tswen me nyôr ga, Ter U kendem tswen me kanshio yemen mo tswen me saa sha gbenda.
U kendem tswem me, nyôr ga, mciem tseegh kpaa a hembama, ana nem agee u me hendan a diabolo sha gbenda?
Mo tswen u yemen tartor Wou, kôkô-zende lihe gandem pe zan saa di, Icighan Jijingi A hemen, ve me mough u yemen ye
Akaa a tseren ior, ne ngee nga sha gbenda ne zan zan ka ican tsô u zan. Er i lu ikyôngough yô yarikyôr, man gbinde mba banen sha gbenda ne ga
Satan ngu shin hua ormbaiv, kegh gbenda ka her ikyôngo je, pe a ker u a Yesu ga yô kwagh tser u ve, un a nzughul a we u saa sha gbenda
Ihom i kôron ior, asaren a tar ne man shi iwoo-or kua ijimba, man angereke kua aie iyolmoron man iv, ve ka yarikyôr, man gbinde ka idya ngi a megh kpe-kpe
Anania faityô kar, gbenda la ga mbakoraki kpa ve faityô ga, i lu afer na ve ve kar ga. Mba eren kwagh u dedoo se nenge er Aberaham, man mba Paulu yô ve kar je, ve yem biishii mba sha tar u sha je
Ken atô ikyôngo kweeng! Keera me kanshio yemen mo tswen me faityô ga, er i huan yô yarikyôr, man igbinde a kera ciam ga, Jijingi uvan vaan ase jighlii, er iwondo a kuram ga yô
Ter Yesu gbenda shon ya’ U vande karen U kar U yem sha, ican na U, We amin amin yemen ving ken ikyôngo a terankon
Pev u i lu ime-ime la je kpa U kar, u nyôron golgota je yô, iyange kpaa man mile, Satan gba vinen amar, kpa U per U due, seeng!! Tar dura je inya i tenger
De tilen ica tesen mo ze m zamber, Ter Aôndo wam za a mo iyol You.
Aôndo wam man, Terem ahii! Kôrom sha ‘we za verem ken tar Wou, u za kohol mba Mikael kua mba Aberaham, man nengen er a kuhwa Yesu yô.
Va se yem Jijingi, ngu hemen a mba Yesu A yem ve cica sha awambe a Na la, u za nengen civir i Yesu
Yô va se yem Jijingi, ngu yemen a mba Yesu A yem ve, ken tartor u Ter Aôndo u gbem la