De se, a ibo yase gayô Ter se hôngor, hôngor, iferkwagh yase mimi Ter Aôndo Ter igba ikyôr, i vese, ka we Ter tseegh U de se a ibo yase se ngbough a iember ye.

Lu U de, Davidi kpa lu zum u a pase ibo na hen a We yô, a wua Uria shi a tôô, kwase na wa iyagh amin doo U ga, er Natan va pase un ibo na yô a kperan ishô ga, m er Ter kwaghbo,Ter de un a ibo na, Davidi shi dugh icam i wuese We Ter Uuma, ôr paselami akundu-ahargberkar-môm la tsô u ungwa er David zamber yô

Er Terem afer am, ngam sha ishi boung, i jirem ken yav mbu isholibo i marem, ken mbu m wanger ga, kpa u kile a yô me wanger, er senou nahan, gema ishigh sha asorabo am sha, warem sha ikye i awambe Terem m ngu kwagh Wou

Alu se kaa ser, se mba a isholibo ga yô se mba tsughun, ayol ase mimi tsô ngu, ken avese ga, aluer se pase asorabo ase yô Ter A de se, Un a wanger se afer ase, ciki u Un ngu jighjigh man U perapera, Un a de se a aferakaa, ase se ngbough a iember

Anmgbian udoon mo shima ken Ter Yesu, hen ayange ase ne je kpa, mbera mba i de ve a ibo ve ken tar ne cii mba a iember, ungwa nen, injakwagh i mbayev, mba uhar mba, ve nyôr inumbe i awen a keren la, u kiriki la yan ker, iwen kar, za ta ikyeghdam kpe, u vesen la er mhen ve time inya ve ii ikyeghdam, gema kaa a angô na er, aluer ter ve ava a inyam, ngô ve a jiidi a tôndo a na un yô, un gbihi wegh a gema i na la a na un ya, wan rumun, wan ne ya inyam, ga kuma iwer itiar, wan gba kanden, wan ule, lu a iember ga, kwagh gande wan va yila ter na pase ibo na a mliam ashe, a pase a yer kwagh ga

Kwagh doo ter na, de wan a ibo na, shi a na zwa i kôr nomikyegh iwua i jiidi, mba va duen a ruam yô ter ne hemba nan u kiriki ne inyam, u vesen ne maa gbihi wegh, wan ti hule, me ôr, ôr kanyi or a ereme? Ter ne kighir mough kôr, wan na, u vesen la gbidye kpishi, u kiriki ne mough gba tsuwen amar, ken tembe a inyam, kape mba i de ve a ibo ve ken Yesu kpa ve lu a iember la.

Kpa orumace, nan fe nengen a kwaghbo u nan er ga, nan hembe nengen a u anmgbian u gen la fele, je yô ior mbagenev ve tôô ian u ngeren akaaabo a ior, ve lu eren yô, mba ôron perapera ve ningir, ve cir akaaabo ve, yô mrumun u sha mhôôn u Yesu Un a kar ve, perapera wase ngu sha ishigh, ki Ter wase Aôndo er ajav a ikyondo yô

Or u alu or mbaiv, yô a va pase ibo na, or u haan baaji, kua mbakpehenasor, man, mba ve lu nan mpav kpaa ve va pase ibo ve, or u eren anger, de cian ga va va pase Tor, A deu ibo you, or u numun gbenda je kpa pase,Yesu ibo na nyôr ana, sha peradiso a iember, ma kwaghbo u se er Ter Aôndo, u a kehe a gande u den, se yô môm ngu sha won ga

Mba Aôndo A rumun ve ka mba ve, lun a jijingi u zamber, shima i zamber, i uren tsung sha ifer shi pasen Ter ibo ve la