Pe Baruki orngeren, u Yeremia, lu eren tom, a na hen shie u,Yoshia, Yehoyakim, Yehoyakin kua Sedekia ve lu, ator a Yuda la, Aôndo iyange A ôr kwagh a Yeremia a gema a ôr, Baruki er a nger, shie ngun ne i ngeren kwagh sha ihurenruamabera, u i er sha akôv, a inyam a vihi ngeren kwagh, je kpa Baruki, wa ishima nger cica, tor Yehoyakim, tor u Yuda ti kôr nande, kpa mayange Baruki gbihi tom na ga

Er lu eren tom, na nahan kpa lu a mbaawashima mba Un a va lu yô, shie u ican ve i yan ia bee cii, bem a hide ken tar u Yuda heregh, yô un kpa U na lu zegeor, un a lu ornyar un a maa, ayou a injaa ne un a lu a akaa hendan, un a lu, a icivir yôugh yôugh, un a karen i hônon ave er nenge ka orngeren Baruki, je alu karen la, yang i lu akaa a vesen a alu tômon je la.

Kpa Ter Aôndo yôô mtim u Yuda, man mbaawashima mba Baruki, lu keren u lun, a akaa avesen, sha ci na iyol na la saa ishe, Baruki u kaa wer aye, kwagh tserem ve, Ter seer ijungwen sha ican yam mvôr, a mkin wam, ma mzua a mmem ga, Aôndo kaa er nenge kwagh, u Mo M maa yô me yôhôr un, kwagh u M môôr kpaa nenge me wuhe un, u ngu keren akaa a vesen sha ci wou iyol youwe de keren a ga, M ngu van a kwagh u bo sha uumace cii, kpa me gema uma wou a hingir we, er ka ishar u ye yô sha ajiir, a u zenden cii

Anmgbian u doon mo shima ken Ter Yesu, ken tar wase ne je kpa, nenge ior kpishi yem, u za keren akaa avesen sha ciki u ayol ave, iiv mbu iin, kighir mough taver, mba iin ior mbagenev za teen, i ii ungô mba gen mbayev, ve vaa juu kunya kôr kpa or zua a gbenda ga, hemen u kperan kighir mough taver, hen ayange ne, nenge or, ngu a wua orgenegh er me hemen, kpa mbagen ka u asôr tar ne je ga, ka u kohol akaa tan, atihi sha acive, anza ne mbagen mba masen sôron tar ve sha uradio, kua ken utelevision, man abaver agberen a gber hen ayange ne, ka nan dugh azôr kpishi kpa u nenge a kwagh ga, nan maa, tsar hen ifi u za u per sha won ga

Amar due gande yeren icam hegen ve, uumace mbagen mba yaven a zendeinya ci u vea zua a inyaregh, m ungwa kwase ugen na iyol na iwa undu ci u inyaregh ki keren, Bibilo kaa er or u nan yav a zendeinya ifan a kôr nan, kpa nenge ior mbagen ve tswer ga, ka alu ijaki kpa ka ihyaregha, alu bua mba tsweren ga, ieren i Sodom man Gomorah kporom, kohol tar wase ahegen ve, nomso mbagen mba yaven, a nomso mbagenev, kasev, mbagenev mba yaven di a akasev, ka a pine yô ve na ityôkyaa, er mba ve lu, ken mlu ne cii, or u gban ican ker ngu shawon ga

Ken Icighan, Nongo u Kristu je kpa, nenge mba, Kristu mbagen kpishi, ve yem u keren akaa a vesen, sha ciki u ayol ave, upastor mbagen ve kende, cighan tom u Ter Aôndo A we ve sha u eren, ve yem u keren a ker inyaregh, ci u ma ve yam umato kua shi agirgi, shi ma ve maa ayou avesen sha ciki u ayol ave, kwagh gba ve cukuu sha kwagh u, iyôngo i Aôndo ga, udiakon mbagenev ve ii inyaregh, ve yam akaa a hendan ve haa sha igbinda, mbatamen mbagen ii maa ayou a teen, msôrom ma manem, mdugh a dugh gele sha, zwa ibyagh tsô ityô yam, er ka a ôron je, gwarce ve cuku kpa tenger ga

Ior mba Aôndo A ne ve akaa a vesen i lu ayol ave ve ker ga yô, u nenge aa ve kpa u fa ga, ve mba kenden, a iyol sha ga shi mba te ihagh ga, ka ve er tom u Ter Aôndo sha akaa A ne ve yô, mba wasen mbaatsanev kua mbauangev, Bibilo tese se ikyav sha Mose man Aron, kua shi Shagbakwase u Shunem, vea Tabitha se ôr se bee je ga, Ter Aôndo A na u yô we kpa naan a na ior, de u kohol tan atihi

Alu sea, zua akaa a tar ne, cica cii man, uma wase agema, asaa ishe yô alu se a inja, sha nyi ase ityô yam, guda akaa a tar ne akar se, uuma asev ve war, ka sha u ngeen akaa man, or nan a lu uma ga, ka u eren sha imo i Ter Yesu se lu uma ye, se vande keren nen tartor u Ter Aôndo, man perapera Na, nahan akaa agen cii, Ter A seer se ye

Anmgbianev, va nen se ker nen u uma asev hen Yesu, se de u keren akaa a vesen, a ken tar ne aa va karen sha la. Genese 19:4-10, 5:1-13, Levitiku 20:13, 15, 16, Levitiku 18:21-22, Deut. 27:21, 2Utor 4:8-16, Mbajiriv. 19:22, Yeremia 36: 1-32, 38:1- 28, 45: 1-5, Aer. 9:36-40, 1kor: 6: 913, Mat. 16:26, Luka 12: 13-21, Rom. 1:26-27, Yoh. 6:27