Ihyom na tseegh tsô, i a fatyô u yangen se tor u yan, sha tar u Sha ga, ihyom i shin tar ne yô i yangen Aôndo wase awashima Na je ga, vande eren imbya ne hen ior kwa imôngo ve m suen, ye.

Me pase ne mbadondon, ngise la Aôndo ver Yosev tor, u za yan kor Igipiti je yô, anmgbianev nav mba sha ter jim, kpa lu ihyom, a na je ve za kange Yosev gbang, ve tee je kpa tor bunde Yosev ga, shi Aôndo ver Davidi tor u Iserael, Saulu lu ihyom, a na je a zenda Davidi, kende ya za lu ken ikyôngo tsaan ken ubar, er anema je kpa ya tor keng keng.

Se kpa ka tor, u i ver se la ihyom i ker se i gbe namben atôkyaa kpishi ye, shighe ugen ka i nande se, shighe ugen ne i yôô ityav, zan zan ken hemen je yô a va bee er, or a kera nyôr, adua ga ci u ihyom yô.

A va hingir ityav, ken hemen kpa se via nen ishima, tar tenger a yisa kpa, uumace ve gber, indyer a i mbadondon mnjirim yange tom ga.

Sha iyange i Ter A yila se, se gba kôndo, u za yan tor la, iyange la iember ia hôm, je a fatyô u kaven ikyenge, i nomsoor, man kwase ga, mbaatsamev mough sha se kar icuku ikpilaior i ungwa er, iyange la se mngbough a iember yô.

Se lu ember yagh yagh! Aliwee! Aliwee! Ter hemba ve, Tor hemba ve Hosana Haleluya wuese Tor u gbem.