Myom u Ter wase Aôndo, Ter A yemem yô, Terem, hemba shawon.
Pe yange m lu ken zegecan, i tar ne, m uve shin ku kpa, mo m fa ga, ka terem A yemem ye.
Ngise m uve shin ku, m kende ave kpa, ave am due ga, tsô m ngor kwelegh, man or u me yila, nan ken tar lu ga, ka Terem A yemem ye.
M lu sôron, akombo ken tar ne, zenden cii, inja na yô m lu keren, gbenda u waren je gema lu, shin ijem i ku, Aôndo iyol Na, tile nenge, er iferor a tumbur a mo er m saa, ishe yô.
Aôndo Ter tese agee, Na er mo m war, yô, Ter tindi ior gba perem uzegem-bamnger, igbinda kpaa i lu ga, ankwagh u hendam kpaa lu ga, shin, zwa wase tsô kpa ve fa ga, tsô ve va nyôr, ken Nigeria, Aôndo tese ye hen tar u Tiv, er, wan wam ngu ker u, Satan a iimbishi un er a saa ishe yô.
Myom u, Oryiman va gba ningir, tar u Tiv, keren mo pe m lu yô, Ter sange ior fese, tsegha ve upastor, lu sha u ve pasen ivangeli i legh legh, ken zwa wam, man me kav, myima u ter wase u sha ne ye, Aôndo gema Bibilo ken zwa wase kpa lu sha u yiman se.
Ve pase er, mba ve civir Yesu ka, vea kpe yô a tôô a ii, kpa Aôndo A nder, ve ve hingir hegh, Mose lu sen va a iyol i he, Elia lu sen va a iyol i he ye, mo kpa iyange i Ter A yilam yô, me gba kôndon, enger, enger je me za nyôr, me tema tor, me shi ember yagh yagh.
Ka mpase u, anmgbianev tile sha u pasen gbem, gbem ne kpa Jijingi u ter va hen mo ve, A va dughum ken zegeican i ku ne, kwagh doom ve m ember, ye.
M zua a iember kehe je gande, Ter ngohol mo Satan gba toho ve.
Ior cii va nen Ter yima se cii hegen se ger, iember, kwagh môm a za iyol ga, se kaa, ormsende iferor tar kpa, una wa ityough inya.