Tar u ngun ka u bo kpishi, se mba se lu mbadondon paregh nen tar u ifer ne, se paregh ga yô se va war zegecan, igyamusu la mayange ga.
Nenge tar ne ka, tar u, doon ga anmgbianev, zenden nen sha imo i Aôndo, se zende sha imo i Ter Aôndo ken tar ne gayô, ifer i tar ne a va yange se u nyôron, tartor u tsôron sha.
Ifer i shin tar ne yô anmgbianev, ka iyongo i keren man aie, man angereke, kua ihyom i kôron, man u iin ishima i nyion man, kua ijimba iwuhe ieren.
Hôngor man u tômon akaa kua shi msôrom man, u moron iyol, icivir i keren, ihyagh i kaan ihyembeato i hemban man, idya iwoo-or u zôhôn zwa.
Kua hanma kwagh, u Bibilo alu vendan, er se de eren ga cii yô, ka ifer i, tar ne.
Ka ifer i, shin tar ne i lu vihin se uuma, ityough a Ter Aôndo ye, mba ve soo afer akaa a tar ne cii, Bibilo i pase er ve yô ve a nyôr ken ican, igyamusu ka u bunden ga.
Yô nôngo due nen, ken afer akaa a tar ne fefa, gayô shighen u mtim u tar ne zurum, u timin tar ne veoo! Anmgbianev, due nen, ken afer akaa a tar ne sha.
Due de timbir ashe ga, se fa iyange i Ter Aôndo a va, tim tar ga, na nen Yesu Ter wase jighjigh, aburabur ngu a ihindan sha won ga.
A lu ne timbir, ashe ne tar ne doo u yan, yum ne ya, tar keng yô, Ter a va bur ne yô, ka an jimjim, ne war a nana? Ne war ayol a en iyange la tseegh.
A lu se timbir, ashe se tar ne doo u yan yum se ya tar keng yô, Ter a va bur se yô, ka an jimjim se war a nana? Se war ayol ase iyange la tseegh.