Aôndo yan gba, or wang iyange la, mlu u or u iyange la lu inja er, zegetor u tsôron sha, or lu a mimi or lu inja jighlii, or lu a iember, kpishi u wuese man a civir Ter Aôndo Tor, kwagh u ifer alu ken or u uma ga.

Kpa ihyembeato, i iyange Adam kua shi Ifa, iyange ve hemba ken sule u Peradiso ve, ya kon u Ter Aôndo yan ta ve icin, sha min la yô ken mlu u vihin, hii sha iyange la je, mlu u or, kera lu sha er yan i gba nan ga.

Er iyange ve, lu mba maren asev cii iyange ve nyôr, ken mlu ubo yô, se mba se lu tsombor u Adam man Ifa kpaa i mar, se cii ken mlu ubo ne cica, ior cii ve vihi nenge hanmaor u shin, tar ne yô isholibo i tema tor ken ishima i nan, maor u lun wang môm tsô ngu sha won ga.

Ihyembeato i na yô se nyôr ken hanma ican, i na yô, angev ngee kpishi, i na yô, ikyu kpa ngee ayange ne zan zan, nenge kwagh u cier iyol yô ihyembeato i na yô, tar u ngun, ngee ayôôso, i na yô bem kpa yevese maa gba, aca, ihyom kôron tema tor.

Se er nan man, se war sha ishigh ki, Ter Aôndo ve se nyôr sha Gar u tsôron? Saa yô se na nen Yesu, Ter wase jighjigh, Yesu Oryiman, yan nenge mvihi wase ne, ishima i vihi Ter wase zanzan, Ter rumun iyol Na, sha tar u Ter Aôndo sha u va paan se sha isholibo i, iyange se er ve Ter wase kera lu ikyua a vese ga la, Yesu Oryiman sen paa se ityough, Tor kpe sha kon a haa awambe Na sha uuma, Tor zua se a Ter U tsôron.

Hegen ne, yô Yesu, Ter wase paa se ityough a Ter Aôndo sha mvihi u isholibo i vihi se la, sha ayange ne yô, Ter Aôndo Ter rumun, A rumun u yiman, se ken iti i Ter Yesu wan Na Oryiman, saa mba vea na Yesu Ter wase jighjigh ga, una yima ve ga ye.

Anmgbianev, va se gure se civir nen, wan Tor u hemban sha, Tor u bem, u A lu u tsôron, or u mimin Wanyôngo u Aôndo Tor, Gomna u tsôron ka Ichighan Tor, Aôndo u mimi Ter kuma u se gure anu inya se wuese iti Na.

Ka Ter Yesu gayô, ma se kpe ken ikyumen ican ibo ibo i vihin, kpa Ter wase Yesu, waniunda u tsôron sen paa se ityough.