Kwase wam ivese yase kuma, u cian ka Ter Aôndo A zough nom, man shi kwase ye, ka tom u or jim ga.
Nomom u doom mo ishima i zua se ka sha iyol kua inyam, man awambe shi ka ken Jijingi Tor, zua se kape se laha imo Na ga.
Ka mnzough u sha ayange a uma wase ken tar ne, ka mzua u or a a pav a kwase man, nom mayange ga, Ter Yesu zua se.
Aôndo ka Una zua kwase a nom u nan yô, Ter soo er makwagh, a de paven ve mayange ga, ve doo ayol ave je, ormsende kpa, a de faan ve asema ga.
Alu kwagh a va nyôr ve hen atô u bo kpa ve hen, shi ve sôn hen Ter u uma, a lu angev, Una bee, a lu ibyanave kpa Ter Un a seer, ugbayol enev keng, a lu kematyo kpa Ter Una yange.
Doo u se hungur a ivese i iyange Aôndo va zua Adam man Ifa ken sule ga, mnzough ve yô, iyange lu a icivir, gbem je mô ve ker u paven ga.
Ka u se hungur a ivese i iyange Aôndo va zua Sara man Aberaham ga, mnzough ve yô, iyange lu a icivir, gbem je Sara a yila Aberaham, u nom na er ter jim jim.
Noov man kasev, kpishi ve undu imo i Bibilo, er i lu keng u or a undu ngô u nan, man ter nana er kwase man ve uhar je ve a hingir iyôugh, imômkeng ga.
Hegen ne yô, kasev ngee er ka Icighan kwagh ga.
Noov hingir wuee je ngee gande, u paven a nom ahegen ka beer-kwagh.
Se mba umbur ne kasev a noov, tom u Ter Aôndo yô, ka kwagh u numben a min hen tembe er, tar u va hingir nahan ne je kpa kwagh u Ter, A er yô, ka u ibyume ga.