Un ka tor, u aie ngu a mee or sha ayom a na, una hemban nan yô, a kôr kpan ve nan, nyôr nongo u kpan ken myer a mfe u fan shio.

Ngise kôr, Nebukardinesar, kôr tor Ahaba, shi a kôr Saulu kpan, ve hingir ikpan i Satan ve gba shilen tom u kpan a iember, ve hungur a tom u Aôndo yan na ve tor jim jim.

Aôndo vihi ishima, Nabukardinesar undu icighankyôn u tor, hingir u zenden ken toho er nomnyam toho yô, Saulu man Ahaba yô, ve va kpe ku u ihyeen je.

Ka un a meen or yô i lu inja er un a va na nan ankwagh yô, nan a kpegher ikyôr yô, a kange nan, nan kera nôngo ga, nan lu a tahav ga.

Sha mlu u iyol ne yô se nenge Satan ngu a mee or, sha kwaghbo ga, ka ken mkure kwagh ka a va hingir igyuran inyam ye.

Se mba tesen ior samwua u boor ngu a hôn or yô, ngu a hôn se sha icivir i tar ne i keren, man inyaregh a ihyom i kôron, una kighir idya yô, a hôn kuma.

Alu se nyagh mdoom ma tar ne gayô, ormsende hôn, a hôn zorough zorough ngu kôron ior una yem amin, ken mtim u tsôron.