Ter na se tom, shi A ver injar i kimbin se, sha iyange i Oryiman Yesu a hide la, Un a kimbi se injar sha er hanma-or, nan lu eren tom yô

Tom u, Ter Aôndo A ne se yô ka u pasen ior, cii loho u myom ne Ter A ne se lu eren ye, man injar ngi sha min kpishi je, yô se er nen tom ne injar ngi sha mi i gba ikyôr

Shi Ter na se atindi a tom ne, er se kura man se er a doo u nengen, se a kura ga se a lu eren, kpa a lu côv côv a doo sha u nengen ga

Atindi a tom ne yô, se hile nen a ayol jime man se lu a dooshima, man bem kua ishima i wan, se rumun aheen yô se gba eren sha inja ve, injar yase yô ka uma Utsôron

Shi se palegh, nen aferakaa, se palegh nen hua man angereke, idya kua ihyom i kôron, or u tom tema Ngu sha la, Ngu nengen sha a vese er se eren yô, mba eren aferakaa la cii yô injar ve ka mtim Utsôron

Ter Yesu yange er, tom ne ya ican je kpa lu wa ishima yô, kura atindi rumun aheen yô A er tom na doo doo kure, Tor Utsôron kpa wuese Un na Un tsar u mhembe Utsôron

Se kpa se er tom u Ter A ne se ne sha inja, alu ican alu nan kpaa se wa ishima, shi se er tom ne sha gbashima se keghen injar, iTer aver i lu keghen se, Tor Utsôron Una va kimbi se injar, yase sha m er u tom wase

A lu u er tom, côv côv yô or u tom kpaa Un a kimbi u di côv côv, we a er tsembelee, Un a kimbi u injar di kpa tsembelee

A lu se er tom, côv côv yô or u tom kpa Un a kimbi se di côv côv, se a er tsembelee, Una kimbi se injar di kpa tsembelee