Ngu ôron kwagh a vese se mbadondon mba se nyer tso Na, sha u yemen tartor u tsôron. Ngu kaan er alu alu nan nan je kpa or ade hongo gbenda ga, or ahungwa gbenda nan a kera nyôr sha ya u tsôron ga

Tso u Ter er a mough yô, ngu peren yande la, keng keng a bunde shawon ga

Ungwa nen, injakwagh i genegh ne kaa er, yange ior lu peren shin kpe tsô orihundu kpa tôô tso na a za ver, tsô ior kera fa er ka orihundu ga tsô ve nyôr, shin tso lugh lugh, orihundu tôô tso gbe yemen, er mba za nyer ken atô u mnger a pine, er mba hungwan gbenda la mba hana? Tsô ior hingir shin tso jiilii, mba pinen er mba hongo tso gbenda di hanma iyange? Ka shien la ve mase kaven er ka orihundu ye

Zende u Orkristu ngu inja er tso u peren mba hongo gbenda ga, wea hii zende ne yô nôngo per yande la keng keng

Ngise Paulu lu yôôn, Ivangeli zenden, alu vea Dema, kpa iyange igenegh Dema undu Paulu yem, a yem Tesalonika sha aci u, tar u ainge doo un yum, tsô a undu Paulu Dema yem, kpaa se ungwa mhir na ker sha won ga.

Dema yan hungwa tso gbenda kera per ga, sha ci u taryan u ken Tesalonika, yange un faityô u peren ga

Hegen ne, kpa mbadondon mbagenev kpishi mba hungwan, tso u Ter ne gbenda, sha aci u tar u hegen ne u hemba saren, ve u vea za ya, er ve lu ken Kristu, je kpa kwagh u tar ne hemba hangen ve, mba henen er yôugh yôugh u tar ngu karen ve, tsô ve yem taryan ken Tesalonika, ve hungwa tso gbenda ve, Dema yem se ungwa a hide ga, mba yemen Tesalonika yô or môm hiden ga

M ngu a ungwa or, hungwa tso gbenda ve nan war ga mo yô, me hungwa tso gbenda ga, orwam we di kpa de hungwan tso sha gbenda ga, mba hungwan tso gbenda vea nyôr, sha tar u tsôron ga

De hungwan tso u Ter ne gbenda zeoo, Jijingi va suwe se sha er se per yande la keng keng yô