Mkur u or, umace cii yô ngu môm, ka ape shagbor una kure la ican or di kpa una kure ye, ior mba lun a mfe man abumeior ka her di tsô, kape u a lu a tahav, la una kure isheer-or a kure keng ye

Ga yô or, ngu a ombo zegeinyar a ugbaiyol mba ve gbe un ci ca ken iyou yan kwagh, ember iyol i lu gbugh gbugh, a tsan a kuman ayange atar gayô, ku va nyôr ve, un u maan ya kpishi, kera yav ken iyou ga ve, an-ihungwa inya ikpuaa tseegh ngu a lu ci u nan ye

Or ngu a tesen mhembe nzuul a ior, eren icaveraa a ior, u henen er nan a va kpe tsô kpa ga, hanma shie kohol a akoko-akaa maren iyol a min ken tar ningir, ica i gba ga ku u kohol nan m hen sha kwagh ne, we a lu nan nan ken tar ne kpa ayange yô ku u kohol a we.

Icanor gbagbaor, wan man shi ankpan ve a kpe, pe gen ka iin ga, er ve lu vuul ka vuul tsô ve lu hingir ye, ma or u ii, sha kwav aôndo er igbe tar kpa mo yô m fa ga, se nyion iyol nan kpa imo i Ter abunde je ga, kwagh môm môm a yange ikyom, u lun vuul ga

Ka nyi i lu ken tar ne man, ior ve manger ka a na tsôr shawon ga, kwagh u alu ken tar ne u Ter A va yila or, ve nana tôô a wa ihyan yemen, m jinge shawon m zua a mi mape ga, we lu han nan kpa ka piligha hen inya uven, idyeregh deleghee aveve kwagh, ngu ken tar u manger ga

Hemba doon u umma ve fa er ka keng, ku ngu va kohol se, man uma wase aza ken tar u Ter Aôndo ga yô a penda shigh ken berusu, pe ican i tsôron i lu keghen, yô ma se var a Ter sha ayange a se lu her uma, u manger sha akaa a tar, kpeundu mba kohol ka ibume kwagh kpishi

Ter m kenger gbaang m zua kwagh u manger a min shin tar mayange ga, ka u ma m nyer ken Tar wou i lu zegekwagh, m sônon ye aye ku Tere, Jijingi taver mo m ver ashe am sha ya u tsôron

Ter se jinge ashe, se zua a kwagh u manger a mi shin tar mayange ga, ka u se za nyôr ken tar Wou i lu zegekwagh, se sônon ye aye Aba Ter, Jijingi taver se se ver ashe ase sha ya u tsôron