Lu Satan yisa se a u ishima na, ishima vihi Aôndo Tor, u tsôron zenda se sha sule, Ter zenda se i lu boor tsugh se ve se tôô, bocan u vihin se lu yevese Tor ahii! Lu i tser se sha sule.

Aluer, Tor u tsôron, Yesu yan va ga kape boor ma nzughul a vese, ka er mhôônom lu ma kôr Tor, va u va dughun, se ken ican ye, Tor nenge ican i Una ya man ve Una yima ior Na, kwagh gba Ter ga Ter rumun ican, u yiman se ve paa se ityough ye.

Ter tôô teran, u yemen la, lu gban i lu ihyeen Na, ve kôr Tor u Sha ve mande sha teran, ican i Yesu ya sha gologota la ka u yiman se, A tsurugh ijen uya, avaa imuara er imura koron ve, ayila Ter u sha Aôndo wam, ahii! Ku! Ter Aôndo, Aba Teroo! Ku Terem Aôndo kanyi ve U undun Mo?

Lu ifer i tar cii, shile sha Yesu, Ter Aôndo kenger Wan na ishima vihi Un gema ijime a Ter ye, Ter nôngo ityavoo! A gber orhyom ityough ku Na ka u paan se.

Yesu hemba ityav, A gber orhyom ityough, A kende A yô, er M kure tom bee veoo! Ter yan yôô u pasen se tom la u bee ve, kwagh tsô kera shi u, zungwen ga, i kuhwa se kaa, ormsende apera Yesu yima se cica, kwagh môm u er ga, boor Ter Yesu va gber ityough.

Hav hav wou la, shi kanyi man u er Ter Yesu va hemba u ve, Tor ker dembe tsure ormee, iferor dugh mene mene tume inya tume ingyugh, ihyundu maa Ter Yesu va hemba kpan, yô se wa atsam se wuese iti na.

Shi kanyi ne yuen, u zungwen er se mba a war je ga, ityough kpa Ter Yesu paa se ityough, yô wa atsam ember Ter Yesu paa se ityough ve, Ter num Satan mngbe, A pase se cica nahan se ember, Haleluya, Hosana Ter hemba, Aliwee! We Ter U hemba, U pase se cica Ter ve se ember ye.

Kwagh môm u zungwen, kera ngu ga cii, ka iember i shi ye, mba ve yuen ve emberoo! Ter Yesu, ya a, iember, Oryiman va iember sen, ka lun zwa ahan ahan, zan zan sha tar u tsôron Sha.

Ayaaya wuluoo! Iember i Tor sen, se ta wanbegha shi se sa kwan se za se za nyôr sha tar u tsôron, se ger yaghyagh gbem a bee sha won ga.