Ter Yesu ôr, kwagh ne hen ihyongo i lu tesen mbahenen, Tor kaa a ve er de tsaren nen imenger, shi tôôn kapu chirin sha min ga ior, ve nenge iwanger, lu sha u mba ve nenge a iwanger ne ve dondo ve war iyugh.

Nenge bua maren, wan tsô hiden been iyôngo ga mbadondon, awashima u Ter Yesu yô lu u, mba ve dondo un ci ca cii ve lu a dooshima, bem ieren, er Tor U bem Na una due ken igbar yô, ka er, ior mbagenev ken a vese ve hungur kwagh-ôron u Ter, ve te iwanger er tar u dondo ga ye.

Sarem u mase tese iwanger i Yesu Oryiman ne sha ieren i dedoo er, ior a nenge a dondon Oryiman, ga yô ku u Yesu sha teran ne u a kera, lu a mtsera sha uma asev, ga a lu kwagh kunya kpishi hen mba nengen

Igbinda i tesen, iwanger ban ga mbadondon, kpa me dugh kpuaa me pase ne, se ta iwanger sha zende wase, se palegh ikyum i Delila i yan gbir Semsôn, lu hondo ityough, kwaghôron wase a ior, a lu u agbir agbir sha imo legh legh, hua sha inyar ga angbianev, iwanger i Ter wase a due tsembelee

Kpa se mbagenev, se mba cirin, kapu sha iwanger ne, dooshima ngu je ga, mbagenev ka ve lam chôv chôv, or va a mo ken Kristu je ga, nam ikpine m ma m pande korkor ken amo sha, mba za tsam ikyu Ivinen amar, a jimba kpa dumbur, kera tese iwanger i Ter ga, kapu kpum, iwanger bee vindi vindi

Yô se dondo imo i Ter se kera ta iwanger, shi se tôô kapu se cir je ga, kpa u tsaren imenger, cirin kapu sha min yô, tese er se mba yemen a ior cii, ken mtim, se kpa se war shawon ga

Jijingi va sue se, se kera ta iwanger, shi se tôô kapu se cir je ga, er iyange mhir u Ter yô se ngbogh a iember