Ka mea gba henen, sha ityom i Ter Aôndo A er ken tar ne ityô yam, ka i kpiligh mo iyol, zan zan je yô ka mea mase nengen a ishigh a ishigh, m fa mer Tor u Uma kuma iwuese

Or uma ngu a mar wan yô nenge, ka i tôô shie kpishi man wan la a mough a tema ye, kpa a lu bua shin ivo mar, iyange la je wan ngu a mough a zende a gba kuran ayem, ityom You Tor u Sha i kuma iwuese

Inya i se tem sha min ne kanyi i ker i man ve inya i tenger ga? Iwo tema sha inya ne ngee kpishi, or u uma maa ayou a taven sha inya ne kpishi, ia tema di sha awen yô awen ne gema tile sha nyi jimi? Man a lu sha mnger ka nyi i ker mngerem? Ve inya i til jimi?

Shi Ter er kwagh ugen ken tar ne iti na er Mue-mue ka a shi tsaren usu zan zan kpa nenge we ako ga, Mue-mue me mkurem mayange ga ngu a ma ateiwa u soron usu na ga Ter U kuma u se gbidye ikyarkase

Ter Aôndo er ishu i genegh ngi shin mnger, iti na mba yer er Kusugh, a hemba indi ga kpa ka un a hii, u duran yô kwagh u shin mnger môm ze ikyua ga, Mbakôronishu kpa ka vea bende ken a na mba puun ga

Shi Ter wuha kwav iyol, cir ice sha min sha iyol i or umace doo kpishi, or uma ka un a hondo, shi i mende heregh ka han i we amishe anmgbian wama? Ve i menden i lu pever ga, ka agee a Ter wase Aôndo, kape akughur kpa ka se a tôndo kpa shi a vese ne, pe a we amishe yô se fa ga, Aba ityom You Ter ka i tôvon ga

Ter Aôndo mase duran a dura tom na sha mfe u A ne or umace, Ter Aôndo kaa je er Un gba or sha ibeen Na, or ngu a mhen u vesen hemba inyam, or er agirgir nga purugh sha ahumbe, shi a er utso ver mba shi zenden ken zegemnger, or ongo ijô kposo kposo, kwaghfan ne gande cii

Aba Yehova er ityom ne Tor, ta hindi i lu sha myom u A yima se, Apolion yange lu tsugh ior mbamaren asev ve ya kon u Ter yan ta ichin, lu u ma se tim kpa Aba Ter tindi Yesu sen, va kile se sha awambe a Na se hingir u waren, ka u se ember gbem a bee sha won ga

Er se ongo er ityom i Ter ne i te hindi yô ka nyi man se er u tesen iwuese hen Utsôron? Kwagh ugenegh môm ngu ga ka u orgbande yô a tôô gbande na, orkwen, a de gbe jime ga, ormoro un a va yô oradiguve a kôr ikyônough se kume nen kwagh-kuhwan sha atsam a wan or kakaki a yôô mhembe u Yehova Tor Ugbem